Бұқаралық ақпараттық жүйеде 100 - мегабитті технологияны

Сіздер дербес компьютерлердің желілері (тораптары) туралы естіген де шығарсыздар. Олардың ауқымы бойынша жалпы және жергілікті желілерге бөлінетінінен де хабардар боларсыздар. Бұқаралық ақпарат құралдарында «100 мегабиттік технология», «желілік технологиялар», «интернеттегі жанжал», «интражелілер» сияқты тіркестер жиі айтылады.

Дегенмен бұл материалды түсіндіру барысында оқушылар желілермен әлі таныс емес, тек компьютердің құрамын біледі деп есептейміз. Егер сізде бір-ақ компьютер болып, модеміңіз де болмаса, компьютерлік желінің артықшылықтарын толық сезіне алмайсыз. «Атың болмаса, жорғасын қайдан білесің» деген сөз осындайда еске түседі.

Ал бірнеше компьютеріңіз болса немесе мәліметті қашықтағы компьютерге жөнелту қажет болса, желілік технологиялардың мүмкіндіктері сіз үшін аса маңызды болады. Желілік технологиялар шығынды едәуір азайтып, уақытты үнемдеуге көмектеседі. Ендеше компьютерлік желілердің қолданылатын аймақтарына қысқаша тоқталайық.

Басқаша айтқанда, желі деп дербес компьютерлердің, сондай-ақ принтер, модем, факсимильдік аппарат сияқты есептеу құрылғыларының өзара байланысқан жиынын айтамыз.

Желілер әрбір қызметкерге басқа пайдаланушылармен мәлімет алмасуға, құрылғыларды ортақ пайдалануға, қашықта орналасқан қуатты компьютерлердегі мәліметтер базасымен жұмыс істеуге және тұтынушылармен тұрақты байланыс орнатуға мүмкіндік береді.