Баянхаттың үлгісі
Баянхат
Баянхат — ақпараттық-анықтамалық сипаттағы құжат. Ол хат авторы жұмыс істейтін ұйымның басшысына немесе жоғары тұрған органға жолданады және белгілі бір мәселе, дерек, қорытынды немесе ұсынысты қамтуы мүмкін.
Мазмұны мен мақсатына қарай
-
Бастама баянхат — ұсыныс енгізу, өтініш білдіру, дерек пен оқиғаны баяндау үшін жазылады.
-
Есеп беру баянхаты — істің, тапсырманың немесе жоспардың орындалу барысы, жағдайы мен аяқталуы, іссапар нәтижелері, тексеріс қорытындысы және өзге де жұмыс нәтижелері туралы мәлімет береді.
Үлгі (баянхат)
Арқау ЖШС директоры Н. Асановқа
07.02.2007 ж. • № 15
Тақырыбы: № 105/4 тапсырысты қосымша қаржыландыру туралы
2007 жылдың I тоқсанында полиграфиялық қызметтер бағасының өсуіне және шығындар сметасының өзгеруіне байланысты № 105/4 тапсырыс бойынша жұмысты аяқтау үшін қосымша 1,5 (бір жарым) млн теңге бөлуді сұраймын.
Лауазымы
Бөлім бастығы
Қолы
Т. Тұрсынов (жеке қолы)
Түсіндірме
Түсіндірме — екі түрлі мақсатта қолданылатын құжат түрі:
-
Түсіндірме жазба — негізгі құжаттың (жоспар, есеп, жоба) жекелеген ережелерінің мазмұнын түсіндіреді.
-
Қызметтік түсіндірме — лауазымды тұлғаның белгілі бір іс-әрекет, дерек немесе оқиғаны түсіндіріп, жоғары тұрған басшыға ұсынатын хабарламасы.
Қашан жазылады?
Қызметкер ішкі еңбек тәртібі қағидаларын бұзған жағдайда түсіндірме жазылады. Мысалы: жұмысқа кешігіп келу, жұмысқа шықпау, жұмыс орнында болмау және басқа да тәртіп бұзушылықтар.