Антидене шығаратын клондардың көлемі антигендік препараттардың қасиетімен байланысты болып

Іріктеп алынған гибридтік жасушаларды ұяларға әртүрлі тығыздықта отырғызады: 1, 10, 100, 1000 жасушадан. Моноклоналды антиденелер әдетте 12 күннен кейін түзіле бастайды.

Қажетті клонды 20 мл ГАТ (HAT) ортасына ауыстырып, сол пассажда сақтайды. 5–15 пассаждан кейін моноклоналды антиденелердің мөлшері ең жоғары деңгейге жетеді.

Клонның өміршеңдігі қоректік ортаның сапасына және қоректік жасушалардың жағдайына тәуелді. Моноклоналды антидене өндіретін клондарды әдетте 5–10 пассажға, ал кейде 30 пассажға дейін өсіруге болады. Одан кейін жасушалар өміршең болып қалуы мүмкін, бірақ арнайы иммуноглобулиндерді синтездемей қояды.

Антидене шығаратын клондардың үлесі антигендік препараттардың қасиеттеріне байланысты болып, әдетте 2–20% аралығын құрайды.

Клондар M- және G-класс иммуноглобулиндерін синтездейді. Іріктелген клонды міндетті түрде сақтау қажет.

Іріктелген клондардың бір бөлігін -70°C температурасында мына құрамдағы ортада қатырады: МДСИ, 20% қан сарысуы, 10% диметилсульфоксид.

Екінші бөлігін дәл осы ортада сұйық азотта сақтайды. Клонның тағы бір бөлігін тышқандарда асцидтік ісік түзу үшін қолдануға жібереді.

Іріктелген клонды асығып-аптықпай, абайлап және кезең-кезеңімен қатыру қажет.