Агрессивті балалардың отбасы ерекшеліктері туралы қазақша реферат


Агрессивті балалардың отбасы ерекшеліктері туралы қазақша реферат

Жеткіншектік кезең — адамның қалыптасуындағы ең күрделі кезең. Әсіресе осы жаста адамның мінез-құлқы және басқа да жеке басының негіздері қалыптасады. Міне, осы кезеңде жеткіншектермен жасалатын тәрбие жұмысында кемшілікгер айқын көріне бастайды. Соңғы кездері жеткіншектер тәртібінің төмендегенін байқауга болады: а) ата-анамен келіспеушілік жағдайда болу; ә) мектептегі қиындық пен сәтсіздік; б) тәртібі қиын құрбы -достарымен байланыс орнату.

Отбасындағы жақсы қарым-қатынасты жоғалту, мектептегі сәтсіздік, келеңсіз топтағы құрбыларымен жақындық әр түрлі жолдарға итермелейді. Ендеше осы үш элемент: отбасы, мектеп, құрбы-құрдастар тобы — барлык жеткіншектердің нағыз табиғи ортасы. Олар көмелеттік жасқа толмағандардың ең маңызды қоғамдық факторы болып та­былады.

Демек жас баланың мінез-кұлкының қалыптасуына отбасы ерекше әсер етеді, солай болғандықтан оның көп қырлы, жан-жақты болуы отбасына байланысты. Ал педагогикалық әлеуметтік жағынан жіберілетін әлсіздік оқу жүйесіндегі сәтсіздіктің, аномалді мінез-құлықтың қайнар көзі болып табылады.

Жеткіншектің мінез-құлығындағы ауытқулар көбіне туа пайда болмайды, олар физиологиялық ауытқулардан емес, отбасындағы және мектептегі дұрыс тәрбие бермеуден пайда болады. Осы аталып көрсетілген ауытқу девиантты мінез-құлық деп аталады.

Осындай девиантты мінез-құлықтың бір түріне агрессивті мінез-кұлық жатады. Ал агрессивті мінез-құлық дұшпандық  әрекетке (төбелес, тіл тигізу) апарады.

Агрессивті балалардың отбасы ерекшеліктері  төмендегідей болып келеді:

1.  Агрессивті  баланың  жанұясында  ата-аналармен  бала арасындағы  эмоционалды  байланыс  бұзылған.  Əсіресе  əке  мен  ұл  баласы арасында.  Ата-ана  бір-біріне  жаушыл  сезімде  жəне  бір-бірінің  қызығулары мен құндылықтары үйлеспейді.

2.  Əке  жиі  түрде  өзі  агрессивті  əрекет-қылығының  моделін демонстрациялайды,  ортаға  салады.  Сонымен  қатар  өз  балаларының бойындағы агрессивті тенденцияларды жақтап-қостайды, қолпаштайды.

3.  Агрессивті  балалардың  аналары  балаға  талап  қоймайды. Олардың əлеуметтік  құндылықтарына  селқос  қарайды.  Баланың  үй  шаруасында міндеттері болмайды.

4.  Агрессивті  ата-ананың  балаларында  өз  əрекет-қылығы  мен тəрбиелеу бір-біріне қарсылас келеді. Əдетте, өте қатал əке жəне тым жұмсақ ана, нəтижесінде балада оппозициянық əрекет-қылықтың моделі қалыптасады. Ол тікелей қоршаған ортада байқалады.

5.  Агрессивті  балалардың  ата-аналары  қолданатын  негізгі  тəрбиелік шаралар мынадай:
Денені жарақаттау; Қауіп төндірулер; Түрлі қолдауларда шектілік; Баланы жиі изоляцияда ұстау; Түрлі шектеулерді енгізу, қолдаудың болмауы; Белгілі бір іс жағдайында сүйіспеншіліктен саналы түрде айыру.
6.   Агрессивті  балалардың  ата-аналары  өз  балаларының  деструктивті əрекет-қылығының  себептерін  түсінуге  ұмтылыстың  болмауы.  Оның эмоционалдық дүниесіне селқостық көзқараста болу


Ұқсас жұмыстар
ҚОРҚЫТ туралы
Батыс Еуропа елдері экономикалық интеграциясының ерекшеліктері
Ақшаның маңызы, қызметтері және оның ерекшеліктері
МАХМҰД ҚАШҚАРИ туралы
ЖҮСІП БАЛАСАҒҰН туралы
Қожа Ахмет Яссауи туралы
Экономикадағы дағдарыстық жағдайдағы мемлекеттік бюджеттің ерекшеліктері
Қазақстан Республикасындағы ақша реформалары және оның ерекшелiктерi
Валюталық нарықтың және валюталық операциялардың ерекшеліктері мен дамуы
Қазақ тiлiн оқытудың, ұйымдастырудың әдiстемелiк ерекшелiктерi


Көмек