Елбасымыздың 2007 жылғы Жаңа әлемдегі жаңа Қазақстан атты халыққа жолдауында айтып кеткендей
Білім беру сапасын әлемдік стандарттарға көтеру
Елбасымыз 2007 жылғы «Жаңа әлемдегі жаңа Қазақстан» атты халыққа Жолдауында: еліміз бойынша әлемдік стандарттар деңгейінде сапалы білім беру қызметін көрсетуге қол жеткізу қажеттігін атап өткен болатын.
Кез келген мемлекеттің болашағы білім беру жүйесінің және зиялылар қауымының деңгейіне тікелей байланысты. Сондықтан Қазақстан халқына әлемнің дамыған елдерімен тең дәрежеде білім беру қажеттігі күмән тудырмайды. Өмір талабына сай мектеп жаңа әлеуметтік тапсырысты орындауға, мақсаттары жаңарған, формасы мен сапасы жоғары білім беруге бағытталуы тиіс.
Өмір бойы білім алу идеологиясына көшу
Ой елегінен өткізсек, әлемдік білім беру кеңістігінде білім беру идеологиясы «бүкіл өміріңнің білімі» принципінен «өмір бойы білім алу» моделіне біртіндеп ауысуда. Осы бағытты және ішкі резервтерді тиімді пайдалана отырып, білім жүйесін жаңа нарықтық жағдайларға жүйелі түрде бейімдеу механизмдерін іске асыру — біздің міндетіміз.
Сондықтан бүгінгі таңда еліміздің білім жүйесінде оқыту үдерісін тың идеяларға негізделген жаңа мазмұнмен қамтамасыз ету міндеті өзекті болып отыр.
Жалпы орта білім берудің басты мақсаты
Жалпы орта білім берудің жалпыұлттық деңгейдегі басты мақсаты — Қазақстан Республикасының әлеуметтік, экономикалық және қоғамдық-саяси өміріне белсене араласуға дайын, құзыретті тұлғаны қалыптастыруға ықпал ету.
Бағыт
Білім мазмұнын өмір талабына сай жаңарту
Нәтиже
Қоғам өміріне белсенді араласатын құзыретті азамат
12 жылдық білім беру: мақсат пен құрылым
Бұл мақсат 2008 жылдан бастап енгізіле бастаған 12 жылдық білім беру мазмұнынан жан-жақты көрініс табуы тиіс. 12 жылдық жалпы орта білім беру педагогикалық үдерістің әрбір қатысушысының шығармашылық әлеуетін және психофизиологиялық ерекшеліктерін ескере отырып, олардың дамуына жағдай жасауға бағытталады.
- Оқушылардың дамуына қолайлы орта қалыптастыру
- Негізгі мектеп оқушыларына кәсіби бағдар беру
- Жоғары сатыда бейіндік оқытуды ұйымдастыру
Осы жүйенің негізінде 2003 жылдан бастап республикамызда 12 жылдық білім беруді эксперименттік түрде енгізу жұмыстары қолға алынды. [16]