Жергілікті немесе аймақты тармақталған желілер архитектурасына байланысты негізгі компоненттер мен технологиялар мынадай бөліктерден тұрады
Жергілікті және аймақтық тармақталған желілер: негізгі компоненттер мен технологиялар
Жергілікті (LAN) немесе аймақтық тармақталған (WAN) желілердің архитектурасы бірнеше маңызды компоненттер мен технологияларға сүйенеді. Олар деректердің қауіпсіз әрі тұрақты алмасуын, желілік қызметтердің үздіксіз жұмысын және құрылғылардың өзара байланысын қамтамасыз етеді.
Ақпараттық құралдар
- Кабельдер
- Серверлер
- Желілік интерфейс тақшалары (NIC, Network Interface Card)
- Концентраторлар (hub)
- Аймақтық желілер үшін бағдарлауыштар (маршрутизаторлар)
- Аймақтық желілер үшін қашықтан қатынас серверлері
- Аймақтық желілер үшін модемдер
Серверлер
Клиент–серверлік желіде сервер — осы желіге қосылған басқа компьютерлер пайдалана алатын файлдар мен қолданбалы бағдарламаларды сақтауға арналған, сыйымдылығы жоғары қатты дискісі бар дербес компьютер.
Сонымен қатар серверде желілік операциялық жүйе (NOS, Network Operating System) орнатылады. Ол желідегі қызметтерді басқарумен бірге шеткері құрылғыларды (мысалы, принтерлерді) да басқаруға мүмкіндік береді.
Желілік интерфейс тақшалары (NIC)
Желілік интерфейс тақшалары (NIC, Network Interface Card) үстелдік және портативті компьютерлерге орнатылады. Олар жергілікті желідегі басқа құрылғылармен байланыс орнату үшін қажет.
Әртүрлі компьютерлердің өнімділік талаптарына сай желі тақшаларының көптеген түрі бар. Олар, негізінен, мәлімет тасымалдау жылдамдығына және желiге қосылу тәсіліне қарай ерекшеленеді.
Модемдер
Модем жай телефон арналары арқылы Интернетке қосылып, онымен мәлімет алмасуға мүмкіндік береді.
«Модем» атауы құрылғының қызметіне байланысты қалыптасқан: ол модулятор және демодулятор сөздерінің бірігуінен шыққан.
Жіберу жағы
Модем компьютерден шыққан цифрлық сигналдарды телефон желілері арқылы тасымалданатын аналогтық сигналдарға түрлендіреді.
Қабылдау жағы
Қарсы жақтағы екінші модем қабылданған сигналды қайтадан цифрлық форматқа ауыстырады.