Қазақша рефераттар

Бағдарлама шеңберінде кредиттерге кепілдік беру

Мазмұны

  1. I. Кіріспе 3–4 бет
  2. II. Негізгі бөлім 5–29 бет
    1. 1. «Бизнестің жол картасы 2020» бағдарламасы 5–8 бет
      1. 1.1. Бағдарлама туралы қысқаша түсінік 5–6 бет
      2. 1.2. Ағымдағы жағдайды талдау 7–8 бет
    2. 2. Іске асырудың мақсаты, міндеттері, нысаналы индикаторлары және нәтижелері 9–23 бет
      1. 2.1. Бағдарламаның мақсаты 9 бет
      2. 2.2. Нысаналы индикаторлар 9 бет
      3. 2.3. Міндеттері 10–24 бет
    3. 3. Қатысушылардың өзара іс-қимылы және іске асыру мониторингі 24–29 бет
      1. 3.1. Іске асыру нәтижелерінің көрсеткіштері 24–25 бет
      2. 3.2. Іске асыру кезеңдері 25–26 бет
      3. 3.3. Қажетті ресурстар және қаржыландыру көздері 26–29 бет
  3. III. Қорытынды 30–31 бет
  4. Әдебиеттер тізімі 32 бет

Курстық жұмыс көлемі: 32 бет.

Кіріспе

«Бизнестің жол картасы 2020» бағдарламасы (бұдан әрі — Бағдарлама) Қазақстан Республикасы Президентінің «Жаңа онжылдық — жаңа экономикалық өрлеу — Қазақстанның жаңа мүмкіндіктері» атты Қазақстан халқына Жолдауын және Қазақстанның 2020 жылға дейінгі Стратегиялық даму жоспарын іске асыру мақсатында әзірленді.

Бағдарлама мемлекеттік бастамаларды іске асыру тетіктерінің бірі болып саналады. Ол 2009 және 2010 жылдардағы жол карталарының қисынды жалғасы ретінде дағдарыстан кейінгі дамуға, қолданыстағы тұрақты жұмыс орындарын сақтауға және жаңа жұмыс орындарын құруға басымдық береді.

Іске асыру логикасы

  • Жобаларды іріктеу және қаржыландыру (немесе қайта қаржыландыру) туралы шешімді екінші деңгейдегі банктер (бұдан әрі — Банктер) Бағдарламада белгіленген шарттарға сәйкес дербес қабылдайды.

  • Мемлекет тарапынан қолдау шараларын ұсыну (субсидиялау, кепілдік беру және/немесе өзге де қолдау түрлері) бойынша шешімдер уәкілетті мемлекеттік орган, арнайы комиссиялар және кеңестер арқылы қабылданады.

  • Жергілікті деңгейдегі барлық келісулер Бағдарлама үйлестірушілері арқылы «жалғыз терезе» қағидаты бойынша жүргізіледі.

Шектеулер мен ерекшеліктер

Акцизделетін тауарлар өндірісін көздейтін жобалар бойынша Банктер кредиттерінің пайыздық мөлшерлемелерін субсидиялау қолданылмайды.

Кәсіпкерге Бағдарламаның барлық құралдары шеңберінде кешенді қолдау көрсетілуі мүмкін.

Мемлекеттік даму институттары немесе өзге қаржы институттары арқылы ауыл шаруашылығы өнімін өңдеуге берілген кредиттер бойынша сыйақы мөлшерлемесін субсидиялау алған кәсіпкерлердің осы қарыздары қайтадан субсидиялауға жатпайды.

Тұрақтандырушы және дағдарысқа қарсы бағдарламалар шеңберінде екінші деңгейдегі банктер арқылы мемлекеттен қаржылық қолдау алған кәсіпкерлер де Бағдарламаға қатыса алады.

Жергілікті атқарушы органдар аумақтарды дамыту бағдарламаларын әзірлеу кезінде осы Бағдарламаның ережелерін ескереді. Сонымен бірге мақсаттарға, нысаналы индикаторларға, міндеттерге және нәтижелер көрсеткіштеріне қол жеткізу үшін жауапты мемлекеттік және өзге ұйымдардың рөлі нақты айқындалады.