Қазақша рефераттар

Бастауыш сыныпта математиканы дамыта оқытудағы сабақтастық мәселелері

Мазмұны

Бөлімдер

  1. Кіріспе 3
  2. 1. Бастауыш сыныпта математика сабақтарында оқушылардың білім деңгейін арттырудағы мұғалімнің іс-әрекеті 5
  3. 1.1 Ауызша есептеуге үйрету тәсілдері 6
  4. 1.2 Математика сабағында оқушылардың шығармашылық қабілетін дамыту 11
  5. 2. Бастауыш сыныпта математиканы дамыта оқытудағы сабақтастық мәселелері 13
  6. 2.1 Жеке тұлғаның оқуға деген ішкі ынтасын дамыту 13
  7. 2.2 Дамыта оқытудағы сабақтастық мәселелері 15

Жоспарлар мен қорытындылар

  1. 3. Бастауыш сынып математика сабағында деңгейлеп оқытудың сабақ жоспары 21
  2. 3.1 Арттыру, кеміту 21
  3. 3.2 Өткенді қайталау 22
  4. Қорытынды 24
  5. Қолданылған әдебиеттер 26
  6. Курстық жұмыс 28 бет

Кіріспе

Бәсекеге қабілетті қоғам құрудың өзегі — сапалы білім. Ел дамуының ертеңгі бағытын айқындайтын стратегиялық құжаттарда ұлттық бәсекелестік, ең алдымен, халықтың білімділік деңгейімен өлшенетіні атап көрсетіледі. Әлемдік білім кеңістігіне толық кірігу білім беру жүйесін халықаралық талаптарға сай жаңғыртуды қажет етеді.

Жаһандану жағдайындағы талап

Жаһандану дәуірінде қатаң бәсекеге төтеп бере алатын мемлекет қана өркениет көшіне ілесе алады. Демек, білім мен тәрбие беру саласының маңызы айрықша.

Мұғалімнің негізгі міндеті

Қазіргі мұғалімнің басты міндеті — ұлттық құндылықтарды бойына сіңірген, сана-сезімі дамыған, өзіндік көзқарасы бар тұлғаны қалыптастыру және оқушыны өз бетінше білім алуға үйрету.

Оқушының белсенді позициясы

Оқушы әр сабақта оқу әрекетінің мақсатын айқындап, оған жетудің тәсілдерін таңдап, өзін-өзі бақылауды меңгергенде ғана білімге қажеттілік, қызығу және танымдық белсенділік қалыптасады.

Гуманитарлық ұстаным және мектептің орны

Қазақстан Республикасының гуманитарлық білім беру тұжырымдамасында білім берудің гуманитарлық сипаты ерекше белгіленеді: адам тек зерттеу объектісі ғана емес, ең алдымен шығармашылық пен танымның субъектісі. Бұл көзқарас білім беру жүйесінде ең маңызды буынның мектеп екенін айқындайды. Мектеп — бүкіл білім жүйесі бастау алатын, білімділіктің іргетасы қаланатын орта.

Бүгінгі өзекті міндет — сапалы білім үшін сапалы мұғалім даярлау. Білім сапасы жақсы оқулықпен және оны оқушы санасына сіңіре алатын шебер педагогпен тікелей байланысты.

Зерттеудің мақсаты

Зерттеудің мақсаты — білім беру сатылары арасындағы дамыта оқытудағы сабақтастықты талдау және тәжірибе мен теория негізінде оның тиімділігін айқындау. Сонымен қатар оқытудың түрлері мен әдіс-тәсілдеріндегі сабақтастықтың дидактикалық шарттарын тұжырымдап, оқушылардың үздіксіз математикалық дайындығын қамтамасыз ететін теориялық және ғылыми-әдістемелік негіз ұсыну.

Негізгі бағыт

  • Бастауыш және негізгі буында математиканы дамыта оқытудағы сабақтастықтың орындалу үдерісін сипаттау.
  • Оқыту мазмұны, формалары және әдіс-тәсілдері арасындағы байланыс жүйесін қамтамасыз ету жолдарын көрсету.
  • Сабақтастық негізінде оқыту сапасын арттыру және білімді кеңейтіп, тереңдету мүмкіндігін негіздеу.

Күтілетін нәтиже

Егер сабақтастық ұстанымдары мақсатты түрде қарастырылып, бастауыш сыныптағы жетекші компоненттер мен мұғалім іс-әрекетінің стилі, дидактикалық шарттар арасындағы байланыс сақталса, онда бастауыш пен негізгі мектепте математиканы сабақтастыққа сүйене отырып дамыта оқыту:

  • оқыту сапасын арттыруға;
  • оқушылардың білімін кеңейтіп, тереңдетуге;
  • қабілеттілік пен құзыреттілікті қалыптастыруға жағдай жасауға ықпал етеді.

Зерттеудің міндеттері

Оқыту мен тәрбиелеу үдерісінің диалектикасы олардың өзара байланысында, үздіксіз дамуында, динамикасында және қарама-қайшылықтарында көрінеді. Сондықтан сапалы білімге қол жеткізу үшін мектепте математиканы дамыта оқытуда сабақтастықты жүйелі түрде қамтамасыз ету қажет.

  1. 1 Үздіксіз білім беру жүйесінде математиканы дамыта оқытудағы сабақтастықты айқындау.
  2. 2 Оқулықтардағы теориялық білім мазмұнын және есептер жүйесін қосымша құрастырылған есептермен толықтырудың қажеттілігін негіздеу, олардың негізгі міндеттерін ашып көрсету.
  3. 3 Оқулық құрастыруда тақырыптық сабақтастық мүмкіндіктерін анықтау және теориялық білім мен есептер жүйесін толықтыруға арналған есеп құрастыру бағыттарын белгілеу:
    • әртүрлі тәсілдермен берілген мәтінді есептер;
    • логикалық есептер;
    • геометриялық есептер;
    • ЭЕҚ-қа қатысты қарапайым салу есептері.
  4. 4 Қосымша есептер жүйесін және мәтінді есептерді әртүрлі тәсілмен шығару әдістемесін мектеп практикасында қолдану жолдарын қарастыру.