Керегенің өлшемдерінің қатынасын көрсетуге арналған таблица
Сабақтың мақсаты
- Нұсқаға қарап сурет салу тәсілдерін үйрету.
- Зат өлшемдерінің пропорциялық қатынастарын табуға жаттықтыру.
- Бұйымның тұрмыста қолданылу маңызымен оқушыларды таныстыру.
Сабақтың көрнекілігі
Көрнекі құрал
Керегенің өлшемдерінің қатынасын көрсетуге арналған кесте.
Оқушыларға арналған
- Дәптер
- Қалам
- Өшіргіш
- Шағын өлшемдегі кереге (нұсқа)
Сабақтың кезеңдері
- 1 Керегенің қазақ халқының өміріндегі орны туралы әңгіме.
- 2 Нұсқаны көрнекті жерге орналастыру.
- 3 Затты бейнелеу жолдарын көрсету.
- 4 Нұсқаға қарап сурет салу.
Сабақтың барысы: кереге туралы
Анықтама
Кереге — киіз үй сүйегінің талдан және жіңішке қайыңнан жасалатын төменгі қабырғасы.
Түрлері
Кереге көздерінің көлеміне қарай екіге бөлінеді: тор көзді (кіші) және жел көзді (үлкен).
Тор көзді кереге
Уық байлайтын бас саны
20
бас
Жел көзді кереге
Уық байлайтын бас саны
17
бас
Өлшемдері
-
Жиюлы күйінде
Биіктігі шамамен 2 м, ені шамамен 75 см.
-
Жазылған кезде
Биіктігі сәл төмендеп, ені 2–2,5 м-ге дейін созылады.
Жасалу жолы
- 1 Тал мен қайыңның қабығын жастай аршып, көлеңкеде кептіреді.
- 2 Кепкен соң қозға көміп жұмсартады.
- 3 Тезге салып түзетіп, жонады; кейін қайтадан тезге салып мүсіндейді.
- 4 Бөлшектерін бір-біріне қосып, түйе не өгіздің мойын терісінен дайындалған таспамен көктейді.
- 5 Жосамен бояйды; кейбір шеберлер керегені түрлі түсті бояулармен сырлап, күміспен әшекейлейді.
Киіз үй қанаты
Кереге санына қарай киіз үй 4, 6, 8, 12 қанат болып тігіледі.
Хан ордасы
Хан ордасының кереге саны кейде 30-ға дейін жетеді.