Сен қалған отыз ұлдан едің Зәуреш, Бір уыс бұйырмады топырағың

Қайтыс болған адамды жерлеу кезінде қабірге топырақ салу — мән-мағынасы терең ғұрып. Жақын адамынан айырылғанда топырақ сала алмау — ел ішінде «үлкен арман болып қалды» деп күйініп, өкінетін жағдай саналған.

Марқұмға дер кезінде келіп топырақ салу — адамның ниетінің тазалығын, көңілінің жақындығын білдіретін белгі. Сондықтан жұрт «туған жерінен топырақ бұйырсын» деп тілек айтып, бұл рәсімді аманаттай қастерлеген.