Ұжымның аты ұжым

Ұлт аспаптар оркестрі: бірлік пен үйлесімнің сыры

Ұлт аспаптар оркестрінің құрамында не жоқ десеңізші: қобыз, домбыра, сыбызғы, шаңқобыз, сазсырнай, жетіген… Құдайға шүкір, бәрі бар, бәрі жеткілікті. Бірақ ұжымның аты — ұжым: қалай болғанда да оны біреу басқаруға тиіс.

Кім басқаруы керек?

Кім? Қобыз ба? Әлде жетіген бе? Ақыл таразысына салсаңыз, бәрі де лайық: әрқайсысының өз жөні бар, өз мүмкіндігі бар. Алайда жабық, жасырын дауысқа салғанда, ешқайсысы оқ бойы озып шығып, басым дауыс жинай алмады.

«Тұяқты тұяқ жібермейді» дегендей, бәрі өзара тең түседі. Тізеге басып, күш көрсетуге де болмайды: қобызды қойсаң — домбыра, домбыраны қойсаң — сыбызғы… әйтеуір біреуі ренжиді.

Шешім: дирижердің таяқшасы

Амал жоқ: бүкіл ұлттық оркестрді басқару дирижердің таяқшасына тапсырылды. Таяқша бірден мінез көрсетті. Бүгінде ол қазақ ән-күйіне еңбегі сіңген көне аспаптардың бәрін бір шыбықпен-ақ игеріп, бір арнаға тоғыстырады.