Ризашылық пен алғыс
Сабақ туралы мәлімет
Өтетін орны
Маңғыстау облысы, Ақтау қаласы, №14 орта мектеп
Мұғалім
Леля Балова Батимовна, бастауыш сынып мұғалімі (42 жыл еңбек өтілі)
Пәні мен сыныбы
«Өзін-өзі тану», 3-сынып
Сабақ тақырыбы
Ризашылық пен алғыс
Ашық сабаққа арналған слайд және сабақ жоспары.
Мақсаты мен міндеттері
Мақсаты
Балалардың сыйластық құндылығы туралы түсініктерін кеңейту.
Міндеттері
- Ризашылық пен алғыс туралы түсінік беру.
- Үлкенге де, кішіге де сүйіспеншілік танытуын, сыпайы қарым-қатынасын дамыту.
- Әдептілікке, кішіпейілділікке, ізеттілікке тәрбиелеу.
Көрнекіліктер
Сабақ барысы
Шаттық шеңбері
«Ризашылық әні»
Сөзі мен әнін жазған: Луиза Хей
Ризамын бүгінге,
Ризамын бүгінге,
Ризамын бүгінге,
Ризамын қазірге!
Ризамын, ризамын, ризамын бүгінге,
Ризамын, ризамын, ризамын қазірге.
Әңгімелесу
Оқушылардың ой-пікірін ашу үшін төмендегі сұрақтар қойылады (балалардың жауаптары тыңдалады):
- «Алғыс» дегенді қалай түсінесіңдер?
- Адам өз ризашылығын, алғысын қандай сөздермен білдіреді?
- Сендерге кім, қандай жағдайда алғыс айтты?
- Өздерің қандай жағдайда алғыс айтып көрдіңдер?
Анықтама
Ризашылық — адамның басқа біреуден көрген жақсылығы, көмегі, ықыласы үшін қанағаттану және алғыс білдіруге ұмтылатын сезімі.
Анықтама
Алғыс — адамға жасалған жақсылығы, көмегі, ықыласы үшін ризашылық білдіру; сондай-ақ оның ойы мен іс-әрекетіне, жасаған істеріне жоғары баға беру.
Мәтінмен жұмыс
«Алғыс» мәтіні бойынша сұрақтар қойылып, оқушылардың жауаптары тыңдалады:
- Қасым мен Хасен аналарына не үшін алғыс айтты?
- Анасы балаларына не үшін алғыс айтты?
- Сендер қандай жағдайларда алғыс айтып жүрсіңдер?
- Сендерге алғыс айтқанда қандай сезімге бөленесіңдер?
Шығармашылық тапсырма
«Данышпан атаның алғыс сөздерінен күн жасау» — алғысқа қатысты жылы сөздерден күн бейнесін құрастыру (сәулелеріне сөздер жазу).
Сахналау
I-топ
Мұғалімнің және сыныптастарының қыз баланы туған күнімен құттықтау сәтін сахналау.
II-топ
Ағалы-қарындас туыстардың үйге келген қонақтарды күтіп алу сәтін сахналау.
Дәйексөз
Өмірге риза болып, алғыс айт.
«Адам өз ісіне қанағаттанып, сүйсінген кезде ризашылық сезіміне бөленеді. Өзіне жасалған жақсылыққа ризашылық білдіруді алғыс дейміз.»
Адам өзінің өмірге келгеніне қуанып, риза болады. Қолындағы барын қанағат тұтып, «осының да бар болғанына рақмет» деп алғысын білдіреді. Алғыс пен ризашылық білдіру — өзіңді, өмірді және өмірдегі барды бағалаудан басталады.
Жаңа ақпарат
Адам өз ісіне қанағаттанып, сүйсінген кезде ризашылық сезіміне бөленеді. Өзіне жасалған жақсылыққа ризашылық білдіруді алғыс дейміз.
Бейнеролик
Ата-аналардың балаларына айтқан алғыс сөздерінен тұратын бейнематериал көру.
Дәптермен жұмыс
Тақырыпқа қатысты тапсырмаларды орындау және жеке ой-толғаныстарды жазу.
Қорытындылау
Балалар, жылы сөзді, қайырымды істі, жақсы ойды, кіршіксіз сезімді ешкімнен ешқашан аямаңдар. «Рақмет» деген қасиетті сөзді жиі айтыңдар. Адам алғыс пен ризашылықты естіген сайын жақсылық жасауға ұмтылатынын есте сақтаңдар.
Өмірдің әрбір сәтін бағалай білуге үйреніңдер. Табиғат-Анаға мейірімді күні үшін, көңілді жаңбыры мен аппақ қары үшін, жұмсақ ақ ұлпа бұлты үшін, сондай-ақ жақын адамдардың қайырымдылығы мен риясыз махаббаты үшін алғыс айтуды ұмытпаңдар.
Жүректен жүрекке
Сабақтың соңында оқушылар бір-біріне жылы лебіз айтып, алғыс білдіру арқылы ізгі ниетті бекітеді.