Оны Ерубай үйінде отырып біліп

Көшек батыр Ерубайұлы туралы

Көшек батыр Ерубайұлы (Көшек Ерубайұлы) — XIX ғасырда өмір сүрген батыр, шешен әрі би. Ол Тама тайпасының Дәулеткелді руынан шыққан. Әкесі — Ерубай би Жолдыбайұлы, әулеттегі үлкен ұлы.

Жастық шағы және атағы

Көшек жасынан тентектігімен танылған. Аңыз-әңгімелерде оның Атбасар уезінің оязын сабағаны туралы айтылады. Осы оқиғадан кейін ел ішінде «батыр» аты кең тарағаны сөз болады.

Болыстық ісі және ел басқару

Арқадағы ағайындарының саны көбейгенін дәлел етіп, Алшын-Жағалбайлы болысы құрамынан Таманың Әліп бұтағын бөліп шығаруға ықпал еткен. Нәтижесінде болыстықтың атауын Қарақыз деп қойдырып, Қосшығұл болысқа билік әпергені айтылады.

Би ретіндегі беделі

Көшек үлкен дауларда әділ төрелік айтып, даудың түйінін шеше білген билердің бірі болған. Ел ішіндегі күрделі мәселелерде мәмілеге келтіріп, екі жаққа да тоқтам айтқызатын қасиетімен танылғаны баяндалады.

Қайтыс болған жері және қорымы

Көшек батырдың сүйегі әкесі Ерубай бидің қасына қойылған. Қорымы Қарағанды облысы, Ұлытау ауданы, Сарысу ауылдық округіне қарасты Тасоба ауылының маңында орналасқан. Ұрпақтары қорымды темір қоршаумен арнайы қоршап қойған.

Аңыздар мен тарихи тұлғалармен байланысы

Көшек батырдың атақты Ерден Сандыбайұлының ауылына барып, сол заманның батырлары Есенқабыл және Есенбекпен ерегісіп қалатыны туралы ел ішінде кең тараған аңыз әңгімелер бар.

Ұрпағы

Оның ұлы Бегұлы болыс Көшекұлы да өз кезеңінде ұзақ жылдар болыс болған.

Дереккөздер