Менің қалаған мамандығым журналист

Адам өміріндегі ең маңызды шешімдердің бірі — мамандық таңдауда қателеспеу. Әркімге өзіне етене жақын, жүрегіне жағымды кәсіпті таңдау сәті — асқақ арманға бастайтын алғашқы баспалдақ.

Мамандықты таңдағаннан кейін сол кәсіптің шын білгірі болуға ұмтылу — жауапкершілік. Менің таңдаған мамандығым — журналистика.

Журналист — естігені мен байқағанын көзбен көріп, ой елегінен өткізіп, қоғамда болып жатқан көкейкесті мәселелер мен маңызды оқиғаларға бейжай қарай алмайтын маман.

Бұл кәсіптің қоғамдық маңызы зор: журналистің басты мақсаттарының бірі — халық пен билік арасындағы байланысты сақтап, ашық диалогқа жол ашу. Сондықтан журналистика көп жағдайда басқа салалардан шоқтығы биік көрінеді.

Журналистика — қауіпті мамандықтардың бірі. Ол батылдықты, принципшілдікті және әділдікті талап етеді.

Нағыз журналист қоғамдағы құбылыстарды зерттеп-зерделеу жолында өз күшін де, уақытын да аямайды. Шынайы талант пен еңбектің арқасында ғана оқырманды баурайтын ой мен сөздің қуаты қалыптасады.

Мен журналистика мамандығының хас шебері атанғым келеді. Бұл кәсіптің қыр-сырын толық меңгеріп, тереңінде жатқан асыл маржандарын теріп, білікті маман болуды мақсат етемін.

Қалам мен қағаз арқылы қорғансызға пана болып, әділдік орнауына үлес қосып, біреуге үміт ұялата алсаң — осы мамандықтың шынайы құнын сезінесің.

Журналист сан түрлі ғылым саласына еркін ой жүгірте алатын, кең дүниетанымды тұлға болғаны абзал.

«Журналистика» термині француз тіліндегі journal сөзінен шыққан. Ел ішінде бұл мамандықты «екінші көне кәсіп» деп атау да қалыптасқан.

Журналистиканы әр адам әрқалай түсінеді. Төмендегі ұғымдар соның кең тараған көріністері: