Ақтөбе қаласы, Есет батыр атындағы АОМКЛИ кітапхана меңгерушісі
Ақпараттық технологияны пайдаланудың әдістемелік ерекшеліктері
Нугманова Рысжан — Ақтөбе қаласы, Есет батыр атындағы АОМКЛИ кітапхана меңгерушісі
Ел Президентінің «Қазақстан – 2030» бағдарламасында XXI ғасырда білімсіз өмір сүру мүмкін еместігі, халықты салауатты да сауатты өмірге бағыттау қажеттігі айтылған. Бұл ой бүгінгі ұрпаққа білім мен тәрбие беретін мамандарға жүктелген жауапкершіліктің мәнін айқындайды.
Бүгінгі күні Есет батыр атындағы ОӘПМИ кітапханасының алдында тәрбиеленушілерге, мұғалімдерге және кластан тыс жұмысты ұйымдастыратын офицерлерге білім беру мен тәрбиелеудің сапасын арттыру міндеті тұр. Әр пәнді жоғары деңгейде оқытуға және іс-шараларды сапалы өткізуге қойылатын талап күшейді.
Негізгі ұстаным
Бұл міндеттерді шешудің өзегі — мектеп кітапханасының өз рөлін толық орындауы: қордағы ақпаратты тиімді қолданып, мұғалімдердің теориялық және әдістемелік шеберлігін жетілдіруге жүйелі қолдау көрсету.
Оқу-тәрбие процесіне енгізілген цифрлық мүмкіндіктер
Әлемдік үрдістен шет қалмау үшін компьютерлік технологиялар мектеп тәжірибесіне кеңінен енгізілуде. Оқу және тәрбие процесіне интернет, мультимедиа, электронды сөздіктер, электрондық оқулықтар секілді интерактивті оқыту әдістері қосылды.
Несиелік оқыту технологиясы жағдайында интерактивті әдістерді қолдану — қажетті әрі нәтижелі бағыт. Ізденіс жұмыстарын жүргізіп, әлемдік қорлардан ақпарат алып, интернетте өз бетімен жұмыс жасау тәрбиеленушінің оқу қабілетін арттырып, қызығушылығын күшейтеді.
Интернеттің білім алушыға беретін артықшылықтары
-
Материалды асықпай, мұқият оқып шығуға жағдай жасайды.
-
Алынған ақпаратты талдауға мүмкіндік береді.
-
Өз бетімен жұмыс істеуді дағдыға айналдырып, дербес пікір қалыптастыруға ықпал етеді.
Интерактивті тақта: сабақ пен іс-шарадағы тәжірибе
Мұғалімдер интерактивті тақтаны қолдану мәселесін жүйелі түрде қолға алып, кітапхана базасында бірқатар кластан тыс жұмыстарды ұйымдастыруда.
Нақты үлгі: қазақ тілі мен әдебиеті
Ақпараттық технологияның тиімділігі мен қазіргі кезеңдегі қажеттілігін қазақ тілі мен әдебиеті пәнінің мұғалімі Үмбеталиева Гүлбадан өз сабағында айқын көрсетті. «Қазақтың ұлттық тағамдары мен дәстүрлері» тақырыбындағы шара 9-сынып тәрбиеленушілерінің білімін толықтыруға елеулі үлес қосты.
Қатысу форматы
Төрт ойын, сөзжұмбақ, тапсырмалар
Цифрлық құрал
Интерактивті тақта арқылы сөз құрамы, фонетикалық карталар, жауаптарды тексеру
Ашық сабақ әріптестер тарапынан жоғары бағаланып, жоғары деңгейде өтті деп танылды.
Кітапханадағы пәндік-танымдық ойындар
Кітапхана ресурстарын пайдалану арқылы мерекелерге байланысты шолулар ұйымдастырылып, орыс тілінде «Знаменательная грамматика» атты конкурстық ойын өткізілді. Оны орыс тілі мен орыс әдебиеті пәнінің мұғалімдері Альбакасова А.К. және Катпина Б.К. дайындап, кітапханада өткізді.
Ойынның ерекшелігі — сұрақ-жауап форматы, экспресс-гейм және жаттығу тапсырмаларын интерактивті тақта арқылы ұсыну. Бұл тәсіл тәрбиеленушілердің қызығушылығын арттырып, интеллектуалдық талаптарын және дүниетанымын кеңейтеді.
Кітапхананың жүйелі қолдауы және оқу сапасын арттыру
Мектеп кітапханасында орнатылған интерактивті тақта ауқымды жұмыс атқаруда: тақырыптарды жан-жақты ашуға, тәрбиеленушілердің қызығушылығын күшейтуге және оқу материалын көрнекі ұсынуға көмектеседі.
Есет батыр атындағы ОӘПМИ кітапханасы оқу бағдарламасында бекітілген міндеттерді орындауға қолдау көрсетеді: білім беруді ұйымдастыру, кітапхананы тиімді пайдалану әдістерін дамыту, оқырманның ақпаратпен жұмыс істеу мәдениетін көтеру, жаңа технологияларды қолдану тәсілдерін түсіндіру бағытында көпшілік іс-шаралар өткізеді.
Өзін-өзі тексеру және дербес оқу
Ақпараттық технологияны толық пайдалану мақсатында кітапхана компьютеріне тәрбиеленушілерге қажетті тесттер енгізілді. Бұл олардың әр пән бойынша білімін тексеріп, бекітуіне мүмкіндік береді. Нәтижесінде тәрбиеленушінің өз бетімен ізденуге ынтасы артып, білімін көтеруге ұмтылысы күшейеді.
Ақпараттық-библиографиялық қызмет және интернет
Кітапхана анықтамалық-ақпараттық қор негізінде оқырмандарға сапалы ақпараттық-библиографиялық қызмет көрсетеді. Интернет жүйесі қосылғаннан бері қызмет көрсетудің саны мен сапасы артты: оқырмандар жақын және алыс шетелдердің ірі кітапханаларының каталогтарын пайдалана алады.
Қорытынды: жаңа тенденция және кең мүмкіндік
Болашақта әр оқушы компьютерлік технология арқылы интернеттегі дүниежүзілік білім кеңістігіне еркін еніп, өз қажеттілігін өтейтін білімді толықтыруға, қажетті ақпараттық мәліметтерді табуға, ғылым саласындағы озық тәжірибелермен танысуға және осы мәселенің шетелдегі ахуалын салыстырып көруге толық мүмкіндік алады. Бұл — оқыту үрдісіндегі жаңа тенденция екені анық.