Саңырық Тоқтыбайұлы (1691 - ө. ж. б. ) - батыр
Саңырық Тоқтыбайұлы туралы қысқаша мәлімет
Саңырық Тоқтыбайұлы (1691 — ө.ж.б.) — батыр. Ол Ұлы жүздің ошақты руына, оның ішінде тасжүрек атасына жатады. Шешесі жағынан Кіші жүздің Тайлақ батырға немере жиені болған.
Саңырық есімі Қожаберген жыраудың «Елім-ай» дастанында аталады. Сондай-ақ Ә. Диваевтың мәліметтерінде де оның аты кездеседі.
Тарихи рөлі мен соғыс жорықтары
Зерттеушілердің пікірінше, Саңырық XVIII ғасырда өткен негізгі қазақ-жоңғар соғыстарының барлығына қатысқан.
Ол Бұланты және Қарасиыр шайқастарында қазақ қолының алғашқы жеңістеріне елеулі үлес қосты.
Аңырақай шайқасында садақшылар жасағына жетекшілік еткен.
Ұрпақтары
Батырдың ұрпақтары қазіргі таңда Жамбыл облысының Талас және Сарысу аудандарында тұрады.