Қазақша рефераттар

Жақсы бала еңбекшіл

Сабақ туралы қысқаша мәлімет

Пәні
Өзін-өзі тану
Сыныбы
4-сынып
Сабақтың тақырыбы
Еңбекқорлық пен еріншектік
Сабақтың түрі
Саяхат сабақ
Негізгі құндылық
Еңбек

Сабақтың мақсаты

Білімділік

Оқушылардың «еңбек» құндылығы туралы түсінігін кеңейту; еңбекқор және еріншек мінез-құлықтың айырмашылығын ұғындыру.

Дамытушылық

Еңбекке қызығушылығын арттыру, ой қорыту мен пікір айту дағдыларын дамыту.

Тәрбиелік

Еңбексүйгіштікке, жауапкершілікке және бір-біріне қолдау көрсетуге тәрбиелеу.

Сабақтың құрылымы: «аралдар» бойынша саяхат

Оқушылар екі топқа бөлініп, екі «кемемен» Еңбексүйгіштер еліне сапар шегеді. Әр кезең — өз алдына бір арал, әр аралда тапсырма мен ой бөлісу бар.

  1. I

    «Көңілді шаттық шеңбері»

    Жылы атмосфера қалыптастыру, ән арқылы ынтымақтастықты күшейту.

  2. II

    «Ой-жүйрік»

    Сұрақтар арқылы еңбек туралы түсінікті тереңдету.

  3. III

    «Кел, балалар, оқылық!»

    В. А. Сухомлинскийдің «Еңбексүйгіштік пен еріншектік» ертегісін оқу және талдау.

  4. IV

    «Кел, досым, би биле»

    Қимыл-қозғалыс арқылы сергіту, еңбек тақырыбын өлеңмен бекіту.

  5. V

    «Бабалар сөзі — даналық көзі»

    Абайдың нақыл сөзін табу және мағынасын ашу.

  6. VI

    «Шығармашылығыңды шыңда»

    «Еңбек пен бақыт — егіз» тақырыбын талқылау және өлеңдермен жұмыс.

  7. VIII

    «Біліп ал!»

    Еңбектің адамға берер қуанышы мен мәні туралы қорытынды ой.

  8. IX

    «Қалам ұстап, ой қозғайық»

    Жазба жұмысы: мінездерді ажырату және мақал-мәтелдер жазу.

  9. X

    «Ертегілер әлемінде»

    Сурет салу, мазмұндау, әңгімелеу арқылы түсінуді тереңдету.

  10. XI

    «Жүректен шыққан жылы сөз»

    Шеңберде тұрып бір-біріне жылы тілек айту.

Сабақтың барысы

Тренинг: «Кемені сапарға дайындайық»

Әр оқушы кемедегі өз орнына отырады. Әр бұйрықтан кейін «Иә!» деп жауап беріп, қимылды қайталайды.

  1. 1.Саяхатқа дайындалыңдар. (Иә!)
  2. 2.Байланысты тексер (контакт). (Қолды созу)
  3. 3.Педальді тексер. (Аяқты тарсылдату)
  4. 4.Локаторды тексер. (Құлақты уқалау)
  5. 5.Желкенді тексер. (Екі қолды көтеру)
  6. 6.Дүрбіні тексер. (Көзді уқалау)
  7. 7.Экипаж мүшелерін тексер. (Бір-бірін құшақтау)
  8. 8.1-ден 5-ке дейін санағанда «у-у-у» деңдер; 6-дан 10-ға дейін санағанда «ура!» деңдер.

I арал: «Көңілді шаттық шеңбері»

Сөзі мен әні: А. Меңжанова

Жақсы бала еңбекшіл,
Ер азамат болады.
Қиындықты жеңіп кіл,
Құшағы гүл толады.

Қайырмасы:

Еңбекшіл осындай,
Болайықшы, досым-ай.

II арал: «Ой-жүйрік»

  • Еңбектену адамға не үшін қажет?
  • Еңбекқорлық адамды қандай қасиеттерге баулиды?
  • Өзіңді еңбекқормын деп санайсың ба? Неліктен?

III арал: «Кел, балалар, оқылық!»

В. А. Сухомлинскийдің «Еңбексүйгіштік пен еріншектік» ертегісі оқылады.

Талқылау сұрақтары

  • Еңбексүйгіш пен Еріншектің әрекеттерін салыстырып, ерекшеліктерін айтыңдар.
  • «Нағыз адамның өткен жолдары өшпейді» деген ойды қалай түсінесіңдер?
  • Еңбексүйгіштің бойындағы жақсы қасиеттерді атаңдар.

IV арал: «Кел, досым, би биле»

Сергіту сәті өлең мен қимыл арқылы орындалады:

Қырға шықсаң өрлеп (қолдарын кезек-кезек жоғары көтереді)
Мұның аты — еңбек. (екі қолын жаяды)
Кесте тіксең зерлеп (ине ұстап, тіккен қимылды көрсетеді)
Мұның аты — еңбек. (екі қолын жаяды)
Сабағыңа жөндеп (көршісіне қарап, қолын жаяды)
Әзірленсең — еңбек. (екі қолын жаяды)
Қиындықтың бәрін (құшағын ашады)
Еңбек қана жеңбек. (екі қолын жаяды)

V арал: «Бабалар сөзі — даналық көзі»

Шатасқан әріптерден Абайдың нақыл сөзін табу тапсырмасы беріледі.

Жұмбақ жол

Лмнжеңбектісқұнқуанышлмрнужалқаулықпраустынайырылмастақолкеазаптир ҚКИТАБАЙДТМ

Жауап

Еңбек — қуаныш, ал жалқаулық — айырылмас азап.

Абай

VI арал: «Шығармашылығыңды шыңда»

«Еңбек пен бақыт — егіз» тақырыбы көзқарас – себеп – мысал – қорытынды әдісімен талқыланады.

Топтық жұмыс

  • I топ: М. Әлімбаев — «Ұмытшақ па, әлде еріншек пе?»
  • II топ: М. Әлімбаев — «Менің оған нем кетті»

VIII арал: «Біліп ал!»

Адам ерінбей еңбек ету арқылы қуанышқа бөленіп, ішкі шаттық пен сенімді сезінеді.

IX арал: «Қалам ұстап, ой қозғайық»

I топ

Еріншек пен еңбекқорға тән мінездерді бөліп жазу.

II топ

Еңбекке байланысты мақал-мәтелдер жазу.

X арал: «Ертегілер әлемінде»

I топ

«Балтаның сабы» ертегісі бойынша сурет салып, ертегіні әңгімелейді.

II топ

«Алтын балта» ертегісі бойынша сурет салып, ертегінің мазмұнын баяндайды.

XI арал: «Жүректен шыққан жылы сөз»

Балалар шеңберге тұрып, бір-біріне жылы тілектерін білдіреді. Бұл кезең сабақтың адамгершілік мәнін бекітіп, сыныптағы татулықты күшейтеді.