Мен жыл мезгілінің ішінде көктем мезгілін жақсы көремін
Көктемге деген ерекше ықылас
Мен жыл мезгілдерінің ішінде көктемді ерекше жақсы көремін. Әсіресе көктемнің наурыз айы маған жақын. Себебі бұл айда жүрекке жылы мерекелер көп болады.
Наурызда ең алдымен 8 наурыз — анам мен әжемнің мерекесі келеді. Ал 22 наурызда біз бәріміз Наурыз мейрамын тойлаймыз. Бұл — еліміздегі ең үлкен әрі ең қуанышты мерекелердің бірі.
Наурыздағы көңілді дәстүрлер
Наурызда біз Наурыз көже ішіп, өлең айтып, би билейміз. Ұлдар арқан тартып, қыздар дастархан жайып, бір-бірімізге ақ тілегімізді айтып, қызықты ойындар ойнаймыз.
Маған әсіресе ұлттық киім кию ұнайды. Сол күні барлық балалар бірден ажарланып, ерекше әдемі болып кетеді. Осы мереке мен үшін әрдайым шуақты әрі көңілді.
Кейде ойлаймын: неге біз сабақта да осылай қамзол киіп жүрмейміз екен?
Наурыздың табиғаты
Наурыз айында көшедегі ағаштар бүр жарып, жапырақ жаяды. Үйдің маңындағы жеміс ағаштары аппақ гүл ашып, айналаны құлпыртып жібереді.
Кейде жаңбыр жауып, найзағай ойнап, күн күркірейді. Осындай құбылыстардың көбісі дәл осы наурызда болады.
Биыл жауын көп жауды. «Көк мол болады, ақ көп болады», — деп отырады әжем мен атам.
Рахмет саған, Наурыз!