Абайдың замандасы, ақынның ғашығы Тоғжанның туған ағасы

Асылбек Сүйіндікұлы (т.-ө. ж. б.), Абайдың замандасы, ақынның ғашығы Тоғжанның туған ағасы. Тобықты руының бөкөнші табынан шыққан би, кезінде болыс болған. Абайдан біраз жас үлкен. Ол Абайды аса қадір тұтқан. Өзінің қайын жұрты сыбан Сабырбай ақынның ауылына қонаққа ертіп барған. Сол жылы Абай Қуандық, Сабырбай қызымен танысады. Бұл оқиға Әуезовтің Абай жолы эпопеясында барынша қанық суреттелген. Асылбек пен Абай екеуара өлеңмен хат жазысып тұрған. Кейіннен ру арасындағы қырғи қабақ жайларға байланысты аралары суып кеткен. Оған Зағипа Әбдіқызының оқиғасы себеп болған. Зағипа өзінің сүйген жігітін менсінбей, басына бостандық сұраған. Абай ояз арқылы қызға еркіндік алып береді. Алайда бұл істің соңы үлкен дауға ұласып, ел арасында іріткі туып, жаугершілікке ұшыратады, біраз адам Итжеккенге айдалады. Зағипа құса болып, екі жылдан кейін дүниеден өтеді. Бұл жәйт Абай жолы эпопеясында Мәкен-Дәрмен арасындағы махаббат желісіне арқау болған.

Ұқсас жұмыстар

Абай махаббат туралы

АБАЙДЫҢ МАХАББАТ КОНЦЕПЦИЯСЫ

Абайдың махаббат консепциясы

АБАЙ ЖОЛЫ РОМАН-ЭПОПЕЯСЫ БОЙЫНША ОҚУ САУАТТЫЛЫҒЫН ДАМЫТУ ӘДІСТЕМЕЛІК ҚҰРАЛЫ

Қазақ поэзиясындағы Абай бейнесі

Абай - лирик ақын

АБАЙ МЕН ТОҒЖАН

Қазақтың тұңғыш эпопеясы

Орыс әдеби тілінің негізін салу Пушкиннің үлесіне тиді

Абайша сүйіп, абайша күйіп жүрміз бе?

СҮЙІНІШҰЛЫ ҚАЗТУҒАН