Қазақша рефераттар

Видео ЭКСПО

Жалпы ақпарат

Сынып

4-сынып

Сабақ тақырыбы

Астана EXPO–2017: болашаққа қадам

Тәрбиелік мақсаты

Оқушыларды қоғамдағы жаңалықтар мен өзгерістерден тыс қалмауға баулу, Отанымыздың жетістіктеріне деген мақтаныш сезімін ояту.

Күтілетін нәтиже

Оқушылардың шығармашылық қабілеті нығайып, тарихи зерделілік қасиеті дамиды.

Негізгі идея

Патриоттық сезімді күшейту, ұлттық салт-дәстүрді құрметтеуге тәрбиелеу.

Ресурстар

  • Интерактивті тақта
  • A4 қағазы
  • Постер, стикер
  • Түрлі-түсті қағаз, желім, маркерлер

Көрнекіліктер

  • Ребус
  • EXPO суреттері
  • Бейнеролик (Астана EXPO 2017)
  • Әртүрлі көлік макеттері
  • EXPO символдары

Сабақтың құрылымы

Сабақ кезеңдері оқушылардың қызығушылығын оятып, білімін бекітуге және шығармашылықпен жұмыс істеуге бағытталған.

1) Ұйымдастыру кезеңі

Мұғалімнің әрекеті

  • Оқушылармен үш тілде амандасады.
  • Оқу құралдарының дайындығын тексереді.
  • Назарды сабаққа аударады.
  • «Алақан» әдісі арқылы сергіту сәтін ұйымдастырады.
  • Сабақтың жақсы өтуін тілейді.

Оқушының әрекеті

  • Оқу құралдарын дайындайды.
  • Берілген алақан бейнесіне өзіндегі бір жақсы қасиетті жазып, бір-біріне ұсынады.

2) Кіріспе бөлім: топқа бөлу және тақырыпты ашу

Мұғалімнің әрекеті

  • Оқушыларды түстер арқылы үш топқа бөледі (қызғылт, жасыл, көк).
  • Топ атауларының мәнін сұрайды.
  • Ребус пен есеп таратады, шешім арқылы тақырыпты ашуға бағыттайды.

Есеп-ишара

1000 + 1000 + 10 + 7

Оқушының әрекеті

  • Үш топқа бөлініп отырады.
  • Әр топ ребусты шешіп, нәтижесін тақтаға іледі.
  • Топ атауына қатысты өз ойларын айтады.

3) Ой қозғау: постермен жұмыс

Мұғалімнің әрекеті

Елдің қуаты ең алдымен азаматтарының білімімен өлшенетінін атап өтіп, сабақ тақырыбын нақтылайды: «Астана EXPO–2017: болашаққа қадам». Оқушыларды белсенділік пен ынтымаққа шақырады.

Оқушының әрекеті

Топ ішінде талқылап, постерге негізгі ойларды түсіреді және қорғайды.

4) «Сен білесің бе?» сұрақ-жауап

Әр топқа 5 сұрақтан қойылады. Топтар өзара «Алақан» әдісі арқылы бағалайды.

I-топ

  1. Ең алғашқы EXPO қай жылы, қай жерде өтті?
  2. Америка Құрама Штаттарында көрме неше рет болды?
  3. ХКБ (Халықаралық көрмелер бюросы) штаб-пәтері қай қалада орналасқан?
  4. «Мәңгілік Ел» жалпыұлттық идеясының I-құндылығын ата.
  5. «Мәңгілік Ел» ұлттық идеясының III-құндылығын ата.

II-топ

  1. Бүгінгі күнге дейін қанша көрме өтті?
  2. III-Александр көпірі қай қалада орналасқан?
  3. EXPO-ға қатысу туралы шешімді кімдер қабылдайды?
  4. «Мәңгілік Ел» ұлттық идеясының II-құндылығын ата.
  5. «Мәңгілік Ел» ұлттық идеясының IV-құндылығын ата.

III-топ

  1. Қазақстанда EXPO қай уақытта өтті?
  2. EXPO-ға Қазақстаннан қанша мекеме қатысты?
  3. Парижде көрме неше рет болды?
  4. «Мәңгілік Ел» ұлттық идеясының 5-құндылығын ата.
  5. «Мәңгілік Ел» ұлттық идеясының 6-құндылығын ата.

5) «EXPO-ға саяхат»: шығармашылық кезең

Мұғалімнің әрекеті

  • Үш топқа «билет» таратады.
  • Әртүрлі тілдерде (француз, швейцар, жапон, орыс) сұрақ қойып, қызығушылықты арттырады.
  • Саяхат әсеріне сүйеніп, EXPO–2017 идеясын қағаз бетіне түсіруге 3 минут уақыт береді.
  • Көңіл-күй мен әсер туралы кері сұрақтар қояды.

Оқушының әрекеті

  • Топ басшылары кеме, пойыз, ұшақ сияқты көліктерге «билет» алады.
  • Көлік дыбысын салып, атмосфераны жандандырады.
  • Саяхат барысында қызықты мәліметтерді жинақтайды.
  • Жинаған әсерін қысқа уақыт ішінде шығармашылық жұмысқа айналдырады.

6) «Галерея»: жұмыстарды қорғау

Мұғалімнің әрекеті

  • Плакат, стикер, түрлі-түсті қағаз, желім, маркер таратады.
  • Жұмыс кезінде музыка қосады.
  • Жұмыстарды мадақтайды, қажет жерінде бағыт береді.

Оқушының әрекеті

  • Саяхаттан алған әсерін плакатқа түсіреді.
  • Әр топтан бір оқушы шығып, келесі топқа жұмысын таныстырады.

7) Бейнеролик: «Астана EXPO 2017»

Оқушылар бейнематериал арқылы EXPO идеяларын нақты көріп, сабақтағы ойларын толықтырады.

Бағалау

Мадақтау (смайликтер арқылы).

8) Импровизация

Мұғалімнің әрекеті

Әр топ басшысына 5 сөз береді. Тапсырма — осы сөздерді қолданып, қысқа әрі мазмұнды ой құрастыру.

Оқушының әрекеті

Суырыпсалма сөйлеу дағдысын көрсетіп, топ атынан ойды жүйелі жеткізеді.

9) Кері байланыс

Әдіс

«Екі жұлдыз, бір ұсыныс»

Оқушылар сабақтағы екі ұнаған тұсты және бір жақсартуға болатын ұсынысты жазады.

Нәтижені бекіту

Жасалған макет пен постер сабақ тақырыбына сәйкестігі бойынша талқыланады.

Орындау тәртібі

Оқушылар пікірін стикерге жазып, өз тобының атауына жапсырады және тақтаға орналастырады.

10) Марапаттау және қорытынды

Оқушыларға EXPO–2017 тақырыбындағы естелік «сувенир билеттер» табысталады. Музыка қосылып, оқушылар қоштасып шығады.