Қазақстан Жазушылар одағының мүшесі
Мешітбай Құттықов туралы
Мешітбай Құттықов — Қызылорда облысы, Қазалы ауданының Бозкөл ауылында туған. 1951 жылы Қазалы ауданындағы Максим Горький атындағы орта мектепті (қазіргі Қожабақы ауылындағы №25 орта мектеп) тәмамдады.
Қызылорда педагогикалық институтын тіл мен әдебиет пәндерінің мұғалімі мамандығы бойынша бітіргеннен кейін аудандық білім бөлімінде инспектор болып қызмет атқарды. Кейін екі жыл әскери борышын өтеп, автомобиль әскерлерінің кіші лейтенанты шенінде запасқа шықты.
Қызмет жолы
Аудандық партия комитетінің жолдамасымен ішкі істер саласына жіберілген Мешітбай Құттықовтың саналы ғұмыры негізінен осы қызметпен сабақтасты. Милиция майоры М. Құттықов еңбек жолында Қазалы және Арал аудандарының мемлекеттік автоинспекциясында басшылық қызметтер атқарды.
Әдеби мұрасы
Мешітбай Құттықов — ақын, қоғам қайраткері. 1977 жылы КСРО Жазушылар одағының мүшелігіне қабылданып, кейін Қазақстан Жазушылар одағының мүшесі болды.
Жыр жинақтары
- Құс жолы
- Ар-намыс
- Қайырлы түн
- Сапар
- Арал аспаны
Прозалық кітаптары
- Аяқталмаған ән
- Қайдасың, Арал?
Марапат пен шығармашылық өзек
1971 жылы Қазақ КСР Ішкі істер министрлігі ұйымдастырған республикалық конкурста «Бетпе-бет» поэмасымен бірінші жүлдені жеңіп алып, арнайы дипломмен марапатталды. Оның азаматтық үнге толы поэзиялық, прозалық және публицистикалық еңбектерімен қатар, ішкі істер саласы қызметкерлерінің өміріне арналған өлеңдері де елеулі орын алады.
Тәрбиелік мәні
Ақынның ішкі істер қызметкерлеріне арналған өлеңдері мектептер мен арнаулы орта оқу орындарындағы жасөспірімдердің құқықтық тәрбиесіне ықпал етіп, олардың санасында құқықтық сана, құқықтық тәртіп, құқықтық мәдениет ұғымдарын орнықтыруға қызмет етеді. Сондай-ақ бұл шығармалар салауатты өмір салтын қалыптастыруға және рухани-адамгершілік тәрбиені күшейтуге бағытталған маңызды мазмұнымен ерекшеленеді.
Өлеңдеріне сілтеме
«Мешітбай Құттықов» — жинақталған деректер мен шығармалар тізбесі.
Сілтемені қосу үшін URL енгізіңіз
Дерек ұсынған
Деректер негізінде сайтқа ұсынған: Ғабиден Қожахмет.