Әңгімелер мен повестер

Ақышев Зейтін (1911 – 1991)
18 сәуірде Павлодар облысының Баянауыл ауданында туған, жазушы, аудармашы. Омбыдағы жұмысшы факультетін бітірген (1938). 1931 жылы Баянауыл аудандық оқу бөлімінің іс жүргізушісі, кейін оның инспекторы, жеті жылдық мектептің мұғалімі, директоры болды. 1939 жылы Семей педагогикалық институтының физика-математика факультетін бітіріп, Павлодар, Талдықорған облыстық оқу бөлімдерінің меңгерушісі қызметін атқарды. Алматыдағы Оқу-педагогика баспасында аға редактор, редакция меңгерушісі, Бас редактор болды. 1955 – 1960 жж. республикалық Қазақстан мұғалімі газетінің редакторы, 1965 – 1969 жж. Қазақ КСР Министрлер Кеңесінің аппаратында аудармашы редактор, ал 1970 – 1972 жж. Қазақ Совет энциклопедиясының Бас редакциясында аға ғылыми редактор болды.
1930 жылдың май айында Ағаш үй атты тұңғыш өлеңі Павлодардың оқругтік Колхоз газетінде басылды.
Содан бергі жылдар ішінде бірнеше әңгіме, повесть, романдары жеке-жеке жарық көрді. Бірталайы орыс тіліне аударылды.
Драматургия саласында да (Жаяу Мұса, Келіндер) еңбек етті. В. Панованың Кружилиха романын (1952), А. Куприннің Жекпе-жек повесін (1955), Я. Коластың Талап атай повесін (1956), т.б. қазақ тіліне аударды.
Шығармалары:
Біздің шамшырақтар. Очерктер. А., 1962;
Достарым менің. Әңгімелер мен повестер. А., Жазушы, 1967;
Ақбел асуы. Роман. А., Жазушы, 1975;
Жесірлер. Бұршақ соққан жер. (Дилогия). А., Жазушы, 1973, 1976;
Жаяу Мұса. Роман. А., Жазушы, 1981.
"Шынардың шыбығы” (1987). Роман.
"Жаяу Мұса” (1965), "Келіндер”(1967), "Құтылмайды ол” (1969) пьесаларын жазды.
В.Ф. Панованың "Кружилиха” (1952), А.И. Куприннің "Жекпе-жек” (1955), Я.Коластың "Талаш атай” (1956) романдарын қазақ тіліне аударды.

Ұқсас жұмыстар

Жүсіпбек Аймауытов- қазақтың көрнекті жазушысы, драматург

Ғ. МҮСІРЕПОВ (1902 – 1985 жж. )

Қазақ балалар әдебиетінің ақсақалы

АСҚАР АЛТАЙ ШЫҒАРМАЛАРЫНДАҒЫ ҚОҒАМ БЕЙНЕСІ

Лингводидактика ұғымы

Кемеңгер қаламның құдіреті ( Ғ. Мүсіреповтің туғанына 105 жыл толуына арналған )

Әбіш Кекілбайұлы

Ғ.Мүсіреповтің «талпақ танау», «күсен» әңгімелерінің тақырыптық-идеялық сипаты

Прозалық шығармалардағы табиғат құбылыстарын бейнелейтін фразеологизмдер

Мағауин Мұхтар Мұқанұлы

Бу қазандықтары мен шаң дайындау жүйелері есебі