Майлықожа - Шымкент облысы, Сарыағаш ауданында 1835 жылы туып, алпыс жасқа келгенде, 1898 жылы Арыс ауданында дүние салған

Майлықожа - Шымкент облысы, Сарыағаш ауданында 1835 жылы туып, алпыс жасқа келгенде, 1898 жылы Арыс ауданында дүние салған. Әкесі Сұлтанқожадан он төрт жасында жетім қалып, Майлықожа жоқшылық - мұқтаждықты көп көреді. Бірақ талапты жас өлең өнерін ерте машық ете бастайды.
Бай адамның қызы Ханапаны Майлықожа алып қашады да, кейінірек өз еліне тұрақтай алмай Бұхара жаққа өтіп кетеді.
Бұхарадан қайта оралған соң, ақын өзінің біраз өлеңдерін шығарады. Майлықожа бұл шығармаларында Қоқан хандығына қарсы күрескен ерлердің ерлігін, аштық жылдардағы қазақ шаруашылығының күйзелісін, би - болыстардың ел жегіштік мінездерін, махаббат бостандығын, жалпы адам мінездерін түзету, еңбекке, елге, жерге деген шексіз сүйіспеншілік, егіншілік кәсіпті жырлайды. Ақынның бұл шығармаларында терең ойшылдық пен өткір сықақшылдықта айқын көрініп отырады. Алайда, Майлықожаның дүние тану көзқарасында бүгінгі жұртшылық қабылдай алмайтын кертартпашыл жақтары да жоқ емес.
Майлықожа да ертедегі қазақ ақындарының дәстүрін мықтап ұстаған, түр жағынан енгізген тың жаңалықтары жоқ. Солай бола тұрса да, ол шығыс әдебиетінің үлгілерімен жақсы таныс болғандықтан өз шығармаларының өрісін кеңейтуге, оларға жаңа өрнек, бояу беруге мүмкіншілігі мол екенін аңғарамыз. Сонымен бірге Майлықожа кей сәтте жазба әдебиет үлгілеріне, дәлірек айтқанда шығыс ақындарының шығармаларына еліктейді, солардан мол әсер алады.

Ұқсас жұмыстар

XІХ ғасырдың әдебиеттің ерекшелігі

Дүние деген сары алтын

Отырардың заттық мәдениеті

Қазақ халқының ұлы тарихы

Оңтүстік Қазақстанның киелі жерлері мен әулие адамдары

Оңтүстік Қазақстан аймағының ауыл шаруашылық факторлары

Оңтүстік Қазақстан облысының экономикалық – географиялық жағдайы

Арыс ауданының физика - географиялық сипаттама

Қазақтың ақын жыраулары

Қазақ тарихының ұлы ойшылдары

Қазіргі дүниежүзінің саяси картасы