Қазақша рефераттар

Тәрбие сағатының тақырыбы

Тәрбие сағаты

Бір халық – бір ел – бір тағдыр

Бұл ашық тәрбие сағаты оқушыларға қазақ халқының сан ғасырлық тарихы туралы түсінік беріп, тәуелсіз Қазақстанның жетістіктерімен таныстыруға бағытталған. Негізгі мақсат — Отанды сүюге, елжандылық пен патриотизмге тәрбиелеу.

Мақсаты

  • Қазақ халқының тарихынан мәлімет беру
  • Тәуелсіз елдің жетістіктерін таныстыру
  • Патриотизмге, азаматтық жауапкершілікке тәрбиелеу

Сынып

7–8 сынып оқушылары

Сабақтың өзегі

Бірлік, татулық, тарихи жады және тәуелсіздік құндылығы

Көрнекіліктер

  • Қазақстан Республикасының рәміздері: Ту, Елтаңба, Әнұран
  • Нақыл сөздер, Қазақстан туралы әндер
  • Слайд, шарлар, гүлдер

Тәрбие сағатының барысы

Кіріспе

Тәрбие сағаты Қазақстан Республикасының Әнұранын орындаудан басталады.

1-жүргізуші: Құрметті ұстаздар, ата-аналар және оқушылар! «Бір халық – бір ел – бір тағдыр» атты ашық тәрбие сағатымызға қош келдіңіздер.

2-жүргізуші: Білім күні құтты болсын! Елдің ертеңі — білімді, ойы азат, жауапкершілігі жоғары жас ұрпақтың қолында. Тәуелсіз елде дүниеге келіп, тәуелсіз елде тәрбиеленген сіздер — Қазақстанның ең басты үмітісіздер.

Отан туралы ой

Атыңнан айналайын, егемен ел,
Тәуелсіз күнің туды — кенеле бер.
Мерейің құтты болсын, Тәуелсіздік,
Ғасырдың тойы болсын — келе берер.

Қазақ жері — ұлан-ғайыр, құс қанаты талатын кең өлке. Табиғаты алуан түрлі, байтақ даласы — берекенің бесігі.

Негізгі ұғымдар

Отан — атамекен. Отан — туған жер. Отан — үлкен Қазақстан, ортақ үйіміз.

Қазақстанның кеңістігі мен көршілері

Қазақстан Еуразияның жүрегінде орналасқан. Солтүстігінде Ресеймен, шығысында Қытай Халық Республикасымен, батысында Каспий арқылы Әзербайжанмен байланысады.

Кең байтақ даланың ерекшелігі — табиғаттың әр алуандығы мен тарихи жолдың күрделілігі.

Тарих сабақтары: қасірет пен қайсарлық

Қазақ халқының тарихы — сындарлы кезеңдерге толы. «Ақтабан шұбырынды, Алқакөл сұлама» зұлматы, отаршылдық бұғауы, ашаршылық пен қуғын-сүргін — мұның бәрі ұлт жадында таңба болып қалды.

Өткен ХV ғасырда қуатты Қазақ хандығы құрылды. Алайда елдің тәуелсіз өмірі үздіксіз қауіп-қатерге ұшырап отырды. Жоңғар шапқыншылығы халықтың еңсесін езіп, елді қан жылатты.

ХVIII–ХIХ ғасырлар

Бұл кезеңде халық еркіндігі әлсіреп, ұлан-ғайыр дала империялық ықпалға түсті. Тәуелсіздікке ұмтылған күрес толастамады.

ХХ ғасыр: зобалаң жылдар

  • 1916 жыл

    Жарлыққа қарсы көтерілген жұрт ауыр жазалауға ұшырады.

  • 1923–1933 жылдардағы ашаршылық

    Миллиондаған адам қаза тауып, ел босып көшуге мәжбүр болды.

  • 1937 жыл: қуғын-сүргін

    Елдің арыстары жазықсыз жапа шекті, мыңдаған адам атылды.

1941–1945 жылдар

Екінші дүниежүзілік соғыста қазақстандық жауынгерлер ерлік көрсетті. Бұл жылдар халық жадында қасірет пен қаһармандықтың кезеңі болып қалды.

1986 жылғы Желтоқсан: тәуелсіздікке бастар жол

Қазақ жастарының 1986 жылғы Желтоқсан оқиғасы — ХХ ғасырдағы ең маңызды тарихи беттердің бірі. Бұл оқиға ұлттық рухты оятып, тәуелсіздікке ұмтылыстың символына айналды.

Желтоқсаннан кейін көптеген азамат әртүрлі қысымға ұшырап, оқудан шығарылды, қоғамдық ұйымдардан аластатылды, сотталды. Соған қарамастан, осы кезең тәуелсіздіктің алғашқы парағын ашқан қайсарлық ретінде есте қалды.

Бірлік тұғыры: «Бір халық – бір ел – бір тағдыр»

Қоғамдық келісімнің үш тағаны

«Бір халық – бір ел – бір тағдыр» идеясы ел ішіндегі келісім мен бірліктің мәнін тереңдетеді:

  • Бір халық — ортақ ұлттық мүдделер
  • Бір ел — ортақ Отан
  • Бір тағдыр — бірге өткерген қиындықтар мен жеңістер

Қоғамдық келісімсіз мемлекет алға жылжи алмайды. Бірлік — елдіктің тірегі.

Қазақстан — татулықтың мекені

Қазақстан — көпэтносты, көпмәдениетті мемлекет. Түрі, тілі, діні әртүрлі болғанымен, жүрегі «Қазақстан — туған жерім, Отаным» деп соғатын жүзден астам ұлт өкілдері бір шаңырақ астында өмір сүреді.

Маңызды ой

Ортақ үйдің берекесі — өзара құрмет, жауапкершілік және ынтымақ.

Жастарға аманат

Елдің болашағы — бүгінгі жас ұрпақтың қолында. «Ел үмітін ер ақтар, ер үмітін ел сақтар» деген сөздің салмағы да осында. Тәуелсіздіктің құнын түсініп, білім мен еңбекті қатар ұстау — әр азаматтың парызы.

Тәуелсіз Қазақстан — ұлы Отаным,
Көк туымды қалайша құлатармын?!

Мұғалімнің сөзі: тәрбие, білім және болашақ

Біз елімізбен мақтанамыз. Мемлекет саясатының өзегінде — бала, оның тәрбиесі мен келешегі. «Баланы тәрбиелеу — болашаққа салынған үлкен инвестиция» деген ойдың мәні терең: бұл ұлттық құндылықтарды сақтау мен дамытуға бастайтын бағыт.

Отбасы құндылығы

Ана — отбасының, қоғамның шамшырағы. Қыз баланы ұлттық дәстүрмен тәрбиелеу, оны құрметтеу, зорлық-зомбылықтан қорғау, білім алуына және еңбек етуіне мүмкіндік беру — маңызды міндет.

Білімнің рөлі

Білім — ең жоғары құндылықтардың бірі. Сапалы білім алған жас ұрпақ қана ел тізгінін нық ұстап, Қазақстанның дамуына үлес қоса алады.

Басым бағыттар

  • Инженерлік білім мен заманауи техникалық мамандықтарды дамыту
  • Оқыту әдістемелерін жаңғырту
  • Технология трансферті мен мамандар даярлау
  • Ұлт денсаулығын нығайту, ауыл медицинасының сапасын арттыру

Сонымен қатар, қазақ тілінің болашағы мен жазу мәдениеті — ұлттық бірегейліктің тірегі. Латын графикасына көшу мәселесі де қоғам үшін маңызды қадам ретінде қарастырылады.

Қорытынды және талқылау

Сұрақтар

  • 1) Жолдаудан қандай ой түйдің?

    Өзің үшін ең маңызды тұстарын атап өт.

  • 2) Қандай тақырыптар жеткіліксіз қамтылды деп ойлайсың?

    Ұсыныстарыңды дәлелде.

  • 3) «Мен Президент болсам, халыққа Жолдауым…»

    Өз ойыңды қысқа әрі нақты жеткіз.

Музыкалық бөлім

Ән: «Көк тудың желбірегені» (тыңдалады)

XXI ғасыр — Қазақстанның кемелдену ғасыры боларына сенім мол. Бұл — бейбітшілік пен тұрақтылық, жаңару мен өркендеудің ғасыры. Тәуелсіздігіміз баянды, бірлігіміз берік болсын!

Дереккөз: http://www.tarbie1019-bir_el_bir_halyk_bir_tagdyr_2050.html

Жабылу сөзі

Сабаққа белсенді қатысып, тыңдағандарыңыз үшін рақмет! Тәуелсіздік тұғыры биік, ел бірлігі берік болсын.