Барлық қыздар шығады - музыка

Тақырыптық кештің сценарийі

Гүл өссе — жердің көркі, Қыз өссе — елдің көркі.

Әйелдің табиғи сұлулығы ешқашан өзгермейтіні белгілі. Алайда бүгінгі заманның қыздары сыртқы көркімен қатар жан сұлулығын және тән сұлулығын да сақтап, дамыта білуі керек. Өз мамандығын құрметтеу, эстетикалық талғамды түсіну және жетілдіру — осы кештің негізгі өзегі.

Кеш бағдарламасы

Ән: Жанболат
Қазақ биі: Ыдырысова Әлия
Қимыл сұлулығы: Қожамжарова Азиза
Өлең: Гүлжазира
Би: Заурбаева Феруза

Жүргізушінің кіріспе сөзі

«Гүл өссе — жердің көркі, қыз өссе — елдің көркі» дегендей, ежелден ата-бабаларымыз қыз баланы гүлге теңеген. Табиғаттағы ең сұлу өсімдік — гүл болса, әлемнің ажары — қыз.

Қыздарға тән нәзіктік, сұлулық, ұяңдық, инабаттылық, сыпайылық, әдемілік, іскерлік, шеберлік, рухани байлық, ақ ниет, сүйіспеншілік, намыс, қайрат-жігер — бәрінен де ар тазалығы. Осы қасиеттерімен қазақ қыздары тағылымы мол өнеге иесі.

Маңызды ой

«Қызға қырық үйден тыйым» деген сөз қызды кемсіту үшін айтылмаған. Керісінше, қыз тәрбиесіне зор жауапкершілікпен қарау керектігін меңзейді. Бүгінгі қыз — ертеңгі ана.

Халқымыз әйелді барша тіршіліктің бастауы, өмірдің сәні деп біліп, қастерлеп, ардақтаған.

Өлең жолдары

Қыз сұлу көрінеді қылығымен,
Жарыса төгілген қос бұрымымен.
Бұл күнде сұлулықтың үлкені осы —
Қыз сұлу көрінеді білімімен.

Қыз сұлу көрінеді шашыменен,
Ай қабақ, қиғаш қара қасыменен.
Қыз сұлу көрінеді толған айдай,
Он екі мен он сегіз жасыменен.

Аналарымыз мәпелеп, үкі тағып, үлбіретіп өсірген Қыз Жібек, Баян, Айман-Шолпан, Айша бибі — сұлулық пен сыпайылықтың символы. Қазақ қызы десе, бет-жүзінде ұяңдық бар, шашы ұзын, басқан ізі білінбейтін нәзік жан елестейді; құлаққа шолпының сыңғыры келеді.

Сұлулық туралы түсінік

Кейбір жылтыр журналдарды парақтасақ, көзімізге киножұлдыздардың бейнесі жиі түседі. «Сұлулық деген — осы» деп ойлап қалуымыз мүмкін. Бірақ әр елдің, әр халықтың сұлулық туралы өз идеалы бар.

Сондықтан сұлулықты сантиметрмен немесе өзге өлшеммен өлшеу мүмкін емес. Жалпыға ортақ, өзгермейтін бір ғана үлгінің болуы да қуанышты жағдай емес әрі мүмкін де емес.

Табиғи сый

Сұлулық — табиғат берген байлық. Оны сақтау әр адамнан ұқыптылықты талап етеді.

Қимыл сұлулығы

Дене сұлулығын қимыл сұлулығы деп те атайды. Бұл — жарасымды жүріс-тұрыс пен өзін ұстау мәдениеті.

Ішкі әлем

Шынайы сұлулық мінез-құлық көркімен және жан дүниенің әдемілігімен астасқанда ғана толық мәнге ие болады.

Көрсетілім: 24-топ жұмыстары

Енді ортаға 24-топ оқушылары өздері тіккен жилеттерін ұсынады (баяу музыка).

Одан кейін қыздар өздері тіккен костюмдерін, белдемшелерін және шалбарларын таныстырады (музыка).

Киім туралы қысқаша мағлұмат

Киім — адам денесін мүшелеп немесе тұтастай жабатын бұйымдар жиынтығы. Киім 5 түрге бөлінеді: тұрмыстық, өндірістік, формалық, спорттық, ұлттық.

Адам мен киімді бір-бірінен бөле-жара қарауға болмайды. Ерте заманнан бері киім адамның тұрақты серігі болып келеді және ол қазіргі пішінге жеткенше ұзақ, күрделі даму жолынан өтті.

Сән үлгілері (2014)

Шақырамыз осы күні сұлуға,
Сұлу десе әрбір адам тұруда.
Жарасымды бойға сіңген киімдер,
Қар көзді өздеріне бұруда.

Сұлу мата көз көркіңді алады,
Сәнді бейне мөлдіреген жанары.
Жарып топты дәл ортаға шыққанда,
Қыз арулар көзге түсіп қалады.

Кусемисова Ания

2014 жылға арналған сән үлгілерін ұсынады (музыка).
Ризманова Гүлизар

Өз үлгілерін таныстырады (басқа музыка).
Оразбаева Құндыз

Өз үлгілерін ұсынады (басқа музыка).
Мырзабаевалар

Топтық үлгілер көрсетілімі (басқа музыка).

Қосымша бағдарлама

Ән: Кусемисова Ания
Барлық қатысушылар өздері тіккен жеке үлгілерімен сахнаға шығады (музыка).

Қорытынды

Осымен 2014 жылға ұсынылған сән үлгілерінің көрсетілімі аяқталды. Ұнаған үлгілеріңіз болса, 24-топ оқушыларына жолығып, тапсырыс бере аласыздар.

«Адам көркі — шүберек» демекші, әрқашан әдемі, жинақы, талғамды болайық.

Дереккөз ретінде берілген белгі: «Тәрбие сағаттар жинағы … wwwtarbie».