Досын сүйетін кім

Мақсаты

Балалардың Отанға деген сүйіспеншілігін оятып, ұлтжандылыққа тәрбиелеу. Патриоттық сезімді күшейту. Қазақстанның келешегі өздері екеніне көз жеткізу.

Көрнекіліктер

Елбасы Н.Ә. Назарбаевтың суреті
Мемлекеттік рәміздер
Әнұранның фонограммасы
Слайд материалдары

Әдіс-тәсілдер

Түсіндіру
Сұрақ-жауап
Әнұран орындау
Би
Қимылды ойын

Шаттық шеңбері

Балалар шаттық шеңберіне тұрып амандасады:

Өлең

Амансың ба, көк аспан!
Амансың ба, жер-ана!
Амансың ба, достарым!
Сендерді көрсем қуанам.

Сұрақ-жауап бөлімі

Жүргізуші сұрақ қояды, балалар жауап береді:

Арайлаған таңды сүйетін кім?
Алтын сәулені сүйетін кім?
Жарқын даланы сүйетін кім?
Туған жерді сүйетін кім?
Ата-ананы сүйетін кім?
Досын сүйетін кім?
Еліміздің болашағы кімдер?

Тәуелсіздік және Ата Заң

Қазақстан Республикасы — тәуелсіз, егеменді мемлекет. Еліміз тәуелсіздікті 1991 жылы алды. Егемендігін алғаннан кейін 1995 жылы 30 тамызда Қазақстан Республикасының Ата Заңы қабылданды. 30 тамыз — мемлекеттік мереке, Конституция күні.

Елдігімнің — реңі,
Теңдігімнің — тірегі,
Мүддесінен халықтың
Ажырамас бір елі.
Алтын заңым — арай таңым!

Осы сәтте жүргізуші балаларға Конституция кітабының суретін көрсетеді.

Мемлекеттік рәміздер

Еліміздің тәуелсіздігін айқындайтын өз рәміздері бар. Мемлекеттің барлық азаматтары — үлкендер де, балалар да — мемлекеттік рәміздерді және олардың мәнін білуі әрі түсінуі тиіс. Ту, Елтаңба және Әнұранды құрметтеу — өз Отаныңды құрметтеу.

Сұрақтар

Біз қай елде, қай Республикада тұрамыз?
Қазақстанның елордасы қай қала?
Елбасымыз кім?
Қазақстан Республикасының рәміздерін білеміз бе?
Рәміздер туралы не білеміз?

Елтаңба

Қатар шапқан қос тұлпар,
Ай үстінде қазақ үй,
Қалықтаған жас сұңқар,
Шарықтаған таза күй.
Бұл — таңбасы елімнің,
Елдігімнің белгісі.

Жүргізуші Елтаңбаны көрсетіп, мазмұнын түсіндіреді.

Ту

Отан туы желбіреп,
Көз тартады құбыла.
Біз қараймыз елжіреп,
Туған жердің туына.

Жүргізуші Туды көрсетіп, мәнін түсіндіреді.

Әнұран

Әнұраным — жан ұраным,
Айтар әнім, сөйлер сөзім.
Туған жерім — сағынарым,
Мәңгі бақи шырқалады
Республика әнұраны.

Жүргізуші балаларға Қазақстан Республикасының Мемлекеттік әнұранын орындауды ұсынады.

Қимылды ойын: «Киіз үй»

Көтеріліп шаңырақ,
Уықтары шаншылар.
Керегелер керіліп,
Өрімдей боп өрілер.
Бәріміз жүрсек айналып,
Киіз үй боп көрінер.

Шығармашылық бөлім

Слайд көрсету

Тақырыпқа сай слайдтар көрсетіліп, балалардың түсінігі бекітіледі.

Би: «Қамажай»

Қыздардың орындауында «Қамажай» биі орындалады.

Қорытынды

Конституция күні баршамызға құтты болсын! Еңсесін асқақтатқан Қазақстанымыз жайнап, гүлдене берсін. Осы игі тілекпен «Конституция күні» атты ертеңгілігімізді аяқтаймыз.