Бақыт деген
Бақыт туралы ой
Бақыттың нақты теориясы жоқ — және, бәлкім, болуы да мүмкін емес. Өйткені бақытты әркім өзінше бағалайды: біреулер үшін ол денсаулық, біреулер үшін — мансап, енді біреулер үшін — ақша, ал тағы біреулер үшін — отбасы. Кей адамдарға тіпті өмірдің өзі бақыт.
Негізгі түйін
Шын бақыт — тәннің емес, жанның қалауын қанағаттандыратын құндылық.
Материалдық нәрсе бақыт бола ма?
Меніңше, мансап, ақша, материалдық байлық ешқашан бақыттың өзі бола алмайды. Әрине, біреулер үшін бұл да бақыт болып көрінуі мүмкін. Бірақ мұның бәрі — тәннің қалауы. Ал шын бақыт жанның сұранысын өтегенде ғана орнығады.
Бақыттың бағасы байлықпен өлшенбесе екен. Өйткені ақшаның соңынан қуып жүріп, жолынан жаңылғандар аз емес. Ақша бақытқа бастайтын даңғыл емес — керісінше, кейде қайғыға апаратын қара жолға айналып кетуі мүмкін.
Жан нені қалайды?
Біздің жанымыз мейірімділік пен махаббатты қалайды. Біз мейірімділік пен махаббатты ата-анамыздың сүйіспеншілігі арқылы, отбасымыздағы жылулық арқылы сезінеміз. Демек, шын бақыт — ата-анамыз бен отбасымыз.
Мейірімділік
Жанға тыныштық сыйлайтын ең қарапайым әрі ең терең құндылық.
Махаббат
Отбасындағы жылулық пен жақындардың қамқорлығы арқылы сезілетін өмірдің өзегі.
Жақсылық жасай алудың өзі — бақыт
Біздің жанымыз ізгілік пен ізеттілікті жақсы көреді. Егер біз ізгі іс жасап, біреуді қуанта алсақ, жан дүниеміз де екі есе қуанады. Яғни жақсылық жасай алудың өзі — бақыт.
Қорытынды
Жалпы, бақыт — біздің болашағымыз, арманымыз, әрбір күніміз, ата-анамыз, отбасымыз, өміріміз. Айта берсек, бақытқа көп нәрсені сыйғызуға болады. Ал бір сөйлеммен түйіндесем, Мұқағали Мақатаев айтқандай, бақыт — «бақытсыз-ақ бақытты болып жүру».