Лексикология –тіл туралы ғылымның бір саласы. Онда тілдегі сөз байлығы, сөздің лексикалық мағынасы шығу тегі, қолданылуы зерттеледі. Сонымен бірге, лексикология сөздің тура және ауыспалы мағынасын сөздің көп мағыналылығын зерттейді. Сөздің тура, ауыспалы мағынасы: көз – адамның көзі- (сөздің тура мағынасы), судың көзі, білімнің көзі –(ауыспалы мағынада);
Терең су –тура мағынада; терең білім –ауыспалы мағынада.
«Қара» сөзінің бірнеше мағынасы бар: қара түстің түрі; қара-мал ұғымын білдіреді, қарау-етістік, қара –суық, қара жел; қара халық-хат білмейтін сауатсыз-деген мағыналарды білдіреді.Сөздің бұл қасиеті көп мағыналылық деп аталады.
Негізгі тапсырмалар, сұрақтар:
1.Лексика қай саланы зерттейді?
2.Сөздің тура, ауыспалы мағынасы дегеніміз не?
3.Көп мағыналылық дегеніміз не?
4.Омоним, синоним, антоним сөздерге мысалдар келтіріп, олармен сөйлемдер құрастыру.