Қасқыр судың жоғарғы жағында, қозы төменгі жағында тұрып, су ішеді. Қасқыр қозыны жегісі келіп, бір айла іздей бастайды. Қасқыр қозыға айғайлап:
— Мен ішетін суды неге былғайсың! – дейді.
Қозы:
— Қасеке, мен қалай сен ішетін суды былғаймын? Сен судың жоғарғы жағында, мен төменгі жағындамын, мен ішкен су саған бармайды ғой, – дейді.
Қасқыр тағы айғайлап:
— Сен өткен жылы менің әкемді қорлағансың, – дейді.
— Қасеке, мен қалайша сенің әкеңді қорлаймын, өткен жылы тумаған да едім.
Қасқыр ашуланып:
— Әдепсіз, үлкенге неге қарсы сөйлейсің! – деп, қозыны сол жерде бас салыпты.