Абай Құнанбаев

Абай Құнанбаев
Абай Құнанбаев 1845 ж 29 шілдеде Шығыс Қазақстан обл. Абай ауд. Қасқабұлақ жайлауында дүниеге келген. Болашақ ақын сабырлы мінезіне, кең пейіліне сай ел анасы аталған «кәрі әжесі» Зеренің мол қазынадай аңыз, ертегілерін естіп, әзіл-қалжыңға шебер, жөн-жабаға жетік өз анасы Ұлжанның тәрбиесінде өсті. Абай бала кезінде ширақ, пысық болмағанмен, елдегі шешен, ақын, ертегішілдер зеректігімен, ынталығымен ерекшелінген. Шортанбай, Дулат, Бұқар жырау, Шөжелерді тыңдап өскен. Анасы Ұлжан да шешен болған, сөз қадірлігін білген кісі. Абай 8 жасында «Еспітай» медресесінде дәріс алып, ауыл молдасы Ғабитханнан оқиды. әкесі оның зеректігін байқағаннан кейін 10 жасқа толған соң Семейдегі Ахмет Риза медресесіне береді. Онда 3 жыл оқыған. Медресесінің III жылында ол осы қаладағы «Приходская школаға» да қосымша түсіп, онда 3 ай орысша оқиды. Құнанбай Абайдың өзге балаларынан ерекше зеректігін ерте сезіп, оны әрі қарай оқытпай, қайтарып алып, ел ісіне араласуға баулиды. Сөйтіп 13 жастағы Абай әкенің ықпалымен әкіммен билік жұмыстарына араласады. 1875-1878 ж. Қоңыркөкше еліне болыс болады. 1904 ж. Балашақпақ жайлауында қайтыс болады.