Сабақ жоспары: 11 сынып
Сабақтың тақырыбы: С. Мұқанов Сұлушаш романы
Мақсаты 1. С. Мұқановтың өмірі мен шығармашылығына тоқталу.
2. Сұлушаш романының идеясы – әлеуметтік теңсіздікке қарсы күрес екенін оқушыларға іздендіру жұмыстары арқылы ұғындыру.
3. Өз Отаны, халқы үшін өмір сүрген, артында өшпес із қалдырған парасат иелерін паш ету.
Көрнекілігі. Оқулық. Хрестоматия Сұлушаш роман – поэмасы. Интербелсенді тақта.
Сурет - буклеттер.
Түрі. Практикалық сабақ.
Әдісі. Проблемалық сұрақтар. Мәтінмен жұмыс, сұрақ - жауап, талдау. СТО. Венн диаграммасы.
Сабақтың барысы. Ұйымдастыру кезеңі. Оқушылармен жүздесіп, амандасу, түгендеу. Үй тапсырмасын пысықтау.
Мен жазбаймын өлеңді ермек үшін
Жоқ барды ертегіні термек үшін
Көкірегі сезімді, тілі орамды
Жаздым үлгі жастарға бермек үшін!
Кімнің өлеңі? Әрине Абай. Мен жазбаймын өлеңді ермек үшін
1. М. Әуезов. Абай жолы романы үшін қандай сыйлыққа ие болды?
2. Эпопея қандай деректерді қамтиды?
3. Оқиға қалай басталып, немен аяқталады?
4. Роман – эпопеядан қандай әсер алдыңдар?
5. Романның қай тұсы ұнады?
Балалар, бүгінгі тақырыбымыз Сәбит Мұқановтың шығармашылығы.
Сәбит Мұқанов
1900 ж. 26 04 Солт. Қазақстан обл.,
Жамбыл ауд., Жаманшұбар ауылы.
1918 - 19 ж. Оқытушылар курсы.
1922 - 26 ж. Орынбор қаласы рабфак.
Еңбекші қазақ газетті - бөлім меңгерушісі
1935 ж. Мәскеу қызыл профессор институты.
1936 - 1937 Қазақ әдебиеті газеті редакторы.
1937 - 1951 Қазақстан жазушылар одағын басқарған.
Қазақ КСР Жоғарғы Кеңес депутаты.
Балалар, сендер осы уақытқа дейін С. Мұқановтың қандай туындыларымен таныстыңдар? Әрине, Өмір мектебі романынан үзінді Лашын әңгімесін оқыдыңдар. Өмір мектебі - автобиографиялық немесе ғұмырнамалық туынды. Балтабай ауылына Сәбит ағаларың мұғалім боп барғанда Ахметпен танысып, құсбегілік өнеріне тамсанып бұл өнерді керемет паш етеді.
Ал, кім Ботагөз романын оқыды екен?
Романның басты кейіпкерлері: Ботагөз, Асқар,
Итбай, Амантай
Басты мәселе – әйел теңсіздігі, революция кезіндегі оқиғалар.
Романдағы Итбай кім еді? Амантай кім? Асқар бейнесі туралы не айтар едіңдер?
- Жақсы, балалар, біз Ботагөз романының қысқаша мазмұнымен танысып өттік.