Ашық сабақтың жоспары
І курс, 2 топ
Сабақтың тақырыбы: Пирамида , Дұрыс және қиық пирамида
Сабақтың мақсаттары:
Білімділік: Мазмұны көпжақтың түрлерімен, олардың анықтамасын қайталау арқылы, пирамида, дұрыс пирамида және қиық пирамиданың анықтамасын меңгере отырып, сызбаларын сызуды және бүйір бетін есептеу формулаларымен танысады;
Дамытушылық: Сын тұрғысынан ойлауды дамыту Өз бетімен іздене отырып; логикалық ойлау қабілеттерін қалыптастырады, шығармашылық жұмыспен айналысады;
Тәрбиелік: Топтық Бірлесіп жұмыс жасауға, өзара пікір алысуға, шапшаңдыққа, жауапкершілікке, сызбаларды ұқыпты орындауға, мәдениетті, әрі көркем сөйлеуге уақыттарын тиімді жоспарлай білуге үйренеді.
Сабақ түрі: жаңа білімді игеру
Оқыту әдісі: стратегиялық әдіс 1. Бір айналым сөйлесу стратегиясы
2. Сұрақ қоя білу стратегиясы
3. Автор орындығы стратегиясы
4. Ой қозғау стратегиясы
Пәнаралық байланыс: Өмірмен байланыс.
Көрнекі құрал - жабдықтар: мәтіндер жазылған үлестірмелі карточка, электрондық тест тапсырмалары, Пирамида тақырыбына арналған слайдтар, дербес компьютер, электрондық оқулық Геометрия - 10 сынып.
Сабақтың жүрісі
1. Ұйымдастыру бөлімі. Білім алушылармен сәлемдесіп, кезекшілер арқылы топты түгендеу.
ІІ. Жаңа сабаққа кіріспе. – Қандай көп жақтарды білеміз деп?, сұрақ қою арқылы алдыңғы сабақта өтілген тетраэдр және параллелепипед туралы анықтамаларды еске түсіреміз. Бүгінгі танысатынымыз көпжақтардың тағы бір түрі Пирамида , Дұрыс пирамида және Қиық пирамида және Пирамидалардың өмірмен байланысы .
Білім алушылар 3 топқа бөлінеді. Әрқайсысына осы үш тақырып бойынша жазылған мәтін таратылады. Бір айналым сөйлесу стратегиясы бойынша оқушылар мәтінмен танысады.
Сұрақ қоя білу стратегиясы бойынша әр топ мәтін бойынша сұрақ қояды, келесі топтар сол сұрақтың жауабын мәтіннен тауып оқиды.
Автор орындығы стратегиясы бойынша Пирамидалардың өмірмен байланысы туралы мәтінді ортаға орындыққа отырып оқиды. Содан соң сұрақ қойып, топпен пікірлеседі.
Ой қозғау стратегиясы
1) Есептер шығару, тест тапсырмаларын орындау.