Катонқарағай ауылына кіре берістегі асфальт зауыты аудан өміріне жаңалық енгізгендей. Айбек Исабаев басқаратын зауытта қазір 15 адам жұмыс істеуде, олар сағатына 60 тонна асфальт жасап шығаруда. Оған қажет материалдар жергілікті жерден және Ресейден жеткізіліп жатыр. Талғат, Қабылжан, Андрей Белихин деген жігіттер жоспарын асыра орындауда.
Белқарағай және Еңбек ауылдарының жолдарына асфальт зауытының өнімдері толассыз жөнелтіліп жатыр. Айбек ініміздің айтуынша, олар тәулігіне 400 тоннаға дейін өнім шығарады екен, ол 900 метрге жетеді.
Ауданда туризмді дамыту үшін ең әуелі жолды жақсарту қажеттілігі туындайды. Ендеше “Катонқарағай жолдары” ЖШС-нің атқаратын істері ауқымды екені белгілі.