Тақырыбы: Сайыста біздің - Аналар
Жүргізуші:
Наурыз той көңіл тойы, көктем тойы
Жақсылық болса дейтін өмір бойы.
Биыл да былтырғыдай ақ көбейсін
Елдегі бақыт, байлық, бақ көбейсін.
Наурыз құтты болсын аналарға
Ана деген асыл бағы жұмақтың
Ана деген қайнар көзі бұлақтың
Сағынасың, сағынасың сен өзің,
Болмаса егер қасыңда ол бір - ақ күн.
Ана деген қайтпас қайсар болаттай
Ана деген қалың шыққан құрақтай.
Ана өмірдің тіреуіші секілді,
Шаңырақты ұстап тұрған құлатпай.
Құрметті біздің аналар!
Наурыз құтты болсын баршамызға!
Көктемнің шуақты күндеріндей, сан алуан гүлдеріндей құлпырып жайнап жүре беріңіздер деп Сайыста біздің Аналар! атты мерекелік сайысты бастауға рұқсат етіңіздер.
Жүргізуші:
- Бүгінгі сайысқа қатысушы аналарымызды қошеметтеп ортаға шақырайық.
- Жүргізуші:
Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік қазыларды таныстырып.
Бүгінгі сайыстың әділ бағасын беріп, жеңімпазын анықтайтын әділқазылар алқасымен таныс болыңыздар.
Ал қәзір құрметті аналар ортаға келіп мына қоржын ішінен өздеріңнің кезек нөмірлеріңді алуға шақырамыз.
Жүргізуші:
Аналар бар өнерін салары анық,
Өнегелі тәлімді алған қанып.
Ал ендеше таныстырып өтейін мен,
Бөлімдерін сайыстың бөліп жарып.
Сайыс бағдарламасы алты бөлімнен тұрады.
1. бөлім Тегін білмеген тектілік Таныстыру
2. бөлім Зерделінің ойы озық
(Лездік сұрақтарға жауап беру)
3. бөлім Дәм думан тағамдар сайысы үй тапсырмасы
4. бөлім. Өнер сайысы.
5. бөлім Қонақ күту
(дастарханда қонаққа ұсынар ас мәзірі, көрсетер ілтипат)
6. бөлім Оң саусағың майысып, шебер болар ма екенсің
Сән үлгі - 2014
Келе жатқан мәңгілік дара салтын,
Мақтанышым, елдігім, парасатым.
Сенсің тілім, теңі жоқ тіршілігі,
Өміріме өң беріп жарасатын -
дегендей бірінші сайысымыз бағасын беруге әділ қазыларға сөз береміз.
Жүргізуші:
Өзінің алғырлығын ұғындырып,
Көрсетер көп іздеген мығым қылық.
Келесі бұл сайыстың жоспарында,
Түседі бәсекеге білімділік -
деп сайысымыздың екінші бөлімі Сұрақ - жауап сайысы салт - дәстүрге байланысты болмақ.
Жүргізуші: Сайыскерлеріміз келесі бөлімге дайындаламын дегенше балабақшамыздың Еркетай тобының өнерін тамашалаңыздар
Жүргізуші:
Біздің халық өнерпазға бай халық,
Әнші деп те биші деп те айталық.
Талаптарын таудай екен бүгінгі,
Өнерлеріңді көрсетсеңдер қайтеді -
дей отырып біздің сайыскерлеріміздің өз өнерлерімен ортаға шақырамыз
Осымен бұл сайысты тамамдасақ,
Тағыда жарысамыз аман болсақ.
Сөз береміз әділқазы алқасына,
Әр ананың өнерлерін сараласақ.
Еркетай топ бүлдіршіндері: Би: Қара жорға
Сөз кезегі әділ қазыларда, марапаттаулар, сыйлықтар табыстау.