І. ТҮСІНІК ХАТ
Бастауыштың 4 сынып оқушыларына арналған Мәтін және грамматика атты арнайы курс бағдарламасы мәтін туралы мәтіннің – сөз арқылы жеткізілетінін, сөйлеудің шығармашылық нәтижесі екенін оқушы өз әрекеттерімен аңғара алу. Негізгі мақсаты: Мәтін арқылы барлық тілдік бірліктер іске қосылатындықтан, ол ерекше күрделі тілдік таңбаға жататыны туралы білімі кеңейе түсіп, жан - жақты талдай алуға қалыптастыру. Тілдік материалдар балалардың жас ерекшеліктеріне байланысты тілдік фактілерді байқату, салыстыру, жаттығу және көрнекілік әдістері арқылы түсіндіріледі. Оқушының оқу - танымдық әрекетінің психологиялық ерекшеліктерін еске ала отырып жасалған бағдарлама. Мәтінмен жұмыс жасау барысында емле сауаттылығына мән беруге дағдыландыру. Соған орай мынадай міндеттерді меңгере алу керек.
• Мәтінді талдау мен мәтінді тану.
• Оның түзілімі мен құрылымын саралау.
• Мәтін жасам барысындағы тілдік бірліктердің қызметін анықтау әрекеттерін дамыту.
• Мәтіннің тіл деңгейлері арасындағы орнын, басқа тілдік бірліктермен арақатынасын.
• Мәтіндік деңгейде универсалды тілдік қатынастардың қызметін көрсету көзделген.
• тілдік материалдар негізінде теориялық білім беру арқылы оқушылардың теориялық ойлауы мен тілін дамыту;
• оқушылардың сауатты, көркем жазу дағдыларын жетілдіру;
• диалогтық және монологтық сөйлеу дағдыларын жетілдіру;
• Өздігінен мәтін құру, өз ойларын ауызша және жазбаша еркін жеткізе білу дағдыларын жетілдіру;
• Сөйлесім әрекетінің түрлеріне сай оқушыны тілдік білім негізінде түсінікті сөйлеуге, сауатты жазуға үйрету арқылы дара тұлғаның тілдік қабілетін дамыту.