Әбдібек Жаманбаев
Тоқтаусыз ұшқан оқтай жылың,
Жас - кәрі бұл арада болсақ та мың.
Мәңгілік бір орынға баражақпыз,
Санаулы - ақ шығар күні біреуіміздің.
Қарасам, жан – жақтағы обаларға,
Белгі боп тұрған көптен далаларға
Сендерден өмірім аз ғой деп ойлаймын,
Жетпеген атам менен бабалар да.
Күндерді, қаншама өткен жылдар менен
Ойменен өткізуді әдеттенгем.
Қорқамын ызғарынан осы ма деп,
Ажал жыл арасынан маған деген?
Жазмышта қай жерде екен ажал маған?
Жолда ма, суда ма екен толқындаған?
Болмаса, туып - өскен, ойнап - күлген,
Туған жер, тиіс пе екен жалғыз саған?
Жан кеткен құр денеге бәрі бір ғой,
Айда өлсең, жатар орның қара жер ғой.
Сонда да, туған жерге жақынырақ
Жатуың - көңіліңе сүйемел ғой.
Маңғыстау облысы, Бейнеу ауданы,
Боранқұл селосы, Опорный орта мектебінің
3 ә сынып оқушысы Дарханқызы Айерке.