№22 негізгі орта білім беретін мектеп - интернаты
химия және биология пәндері мұғалімі Қабылова Бақыт Асқаровна
Сабақтың тақырыбы: Жұмыр құрттардың жалпы сипаттамасы. Ішексорғы, үшкірқұрт, олардың құрылысы, тіршілік әрекеттері және адам мен жануарлар үшін маңызы. Паразитизм түсінігі және оның биологиялық мәні. Паразит пен иесінің өзара қарым – қатынасы.
Сабақтың мақсаты:
Білімділік: Оқушыларға жұмыр құрттардың жалпақ құрттардан айырмашылығын, ішекқұртымен, үшкірқұртпен қосымша таныстыру арқылы оларға паразит құрттардың көп түрлілігі туралы түсінік беру. Еліміздегі іш құрттарға қарсы күрес жүргізудің көптеген шараларын ұсынған, аурудың алдын алу тәсілдерін белгілеп берген К. И. Скрябин еңбектерінің маңызын түсіндіру.
Дамытушылық: Жаңа сабақтағы басты мәселеге назарын аударып, жеке тұлғаның ойлау және есте сақтау қабілетін жетілдіріп, шығармашылық ізденісін дамыту
Тәрбиелік: Оқушының сабаққа деген қызығушылығын арттырып, сабаққа өз еркімен белсене араласуына, білімдерін көрсете алуға ықпал ету; жауапкершілікке, өз бетімен еңбектенуге, өзін - өзі басқаруға, жеке бас тазалығын сақтай білуге үйрету.
Сабақтың түрі: Топпен жұмыс
Сабақтың әдісі: Оқу мен жазу арқылы сын тұрғысынан ойлау бағдарламасының Топтастыру әдісі, ИКТ қолдану
Көрнекілігі: интерактивтік тақта, суреттер, қиықтар
Сабақтың барысы:
І. Ұйымдастыру кезеңі:
Оқушылармен сәлемдесу, түгендеу, топқа бөлу, бағалау парағын тарату.
ІІ. Өткен тақырып бойынша білім тексеру ( 1 – 5слайд)
1 - слайд
Топ арасындағы өздік жұмыс
1. а) Әр топ үйге берілген:
“Сорғыш құрттар. Даму циклы және иелерін алмастыруы” тақырыбы бойынша 2 сұрақтан жазып, сағат тілі бағытымен көрші топқа береді.
I II III IV I
ә) Әр топтан оқушылар тұрып сұрақтарға жауап береді. (2 минут)
2 - слайд
Төмендегі сөздердің мағынасын бір сөзбен сипатта
1. Ауыз қуысы, жұтқыншақ, ішек – ас қорыту жүйесі
2. Жұлдызша тәрізді түтікшелерден тұрады – зәр шығару жүйесі
3. Қарапайым көзшелері, сипап сезу, тепе - теңдік – сезім мүшелері
4. Бір ағзада аналық та, аталық та жыныс жасушалары болады – гермофродит
5. Сорғыш құрттар, таспа құрттар, кірпікшелі құрттар – жалпақ құрттар
3 - слайд
Бауырсорғыштың ішкі құрылысын жаз:
Ми, ішек, қуық, ауыз сорғышы, ішек сорғышы, жұмыртқа, жатыры, ұрық.