ОҚО, Сарыағаш ауданы, Дербісек аулы,
№ 31 Т.Бигелдинов атындағы жалпы орта мектебінің
бастауыш сынып мұғалімі Нурбекова Ботагоз
Ана тілі 1 - сынып
Сабақтың тақырыбы: Жеті ата. Сөйлем
Сабақтың мақсаты: Сөйлем туралы ұғымдарын кеңейту және оның тыныс белгілері жайында ұғым қалыптастыру; өлеңді мәнерлеп әрі түсініп оқуға төселдіру: жеті ата ұғымын түсіндіру; жазу дағдысын жетілдіру; белсенділіктерін аттыру
Оқыту нәтижелері: Сөйлемге тән белгілерді біледі; сөйлемнен соң тиісті тыныс белгілерін қоюды үйренеді; өлеңді мәнерлеп әрі түсініп оқуға жаттығады; жеті ата туралы біледі; отбасындағы сыйластық қарым - қатынасқа үйренеді; белсенді қатысады
Негізгі дерек көздер: Оқулық, слайд - суреттер, смайликтер, сызба, плакат, маркер, Венн диаграммасы, интерактивті тақта
Сабақтың түрі: Аралас
Сабақтың әдіс - тәсілдері: Жеке, топтық жұмыстар, сұрақ - жауап, талдау, Венн диаграммасы, Балық қаңқасы , топтастыру стратегиясы, теңестіру, Ой қозғау , Ой толғаныс
Пәнаралық байланыс: Дүниетану, өзін өзі тану, бейнелеу өнері
Сабақ кезеңдері
Мұғалімнің іс - әрекеті
І. Ұйымдастыру кезеңі 2 мин
1. Оқушылармен амандасу
2. Оқушыларды түгелдеу
3. Оқу құралдарын дайындатып, зейінін сабаққа аударту.
4. Ынтымақтастық атмосферасын орнату: өлең оқу.
5. Слайд. Бауырсақ ертегісінің желісімен жануарлар арқылы топтарға бөлу: аю, қоян, қасқыр, түлкі.
ІІ. Өткенді пысықтау:
Білу және түсіну 14 мин
1. Қызығушылықты ояту: ертегі қалай басталады?
2. Слайд: Әжеге бауырсақ пісіруге көмектесу .
Үй тапсырмасы: Қолғанат
Кім зерек? . Сұрақ - жауап арқылы мазмұнын айту:
1 - топ: Әңгімеде кім жайлы айтылған? С. Сейфуллин кім?
2 - топ: Сәкен қандай бала?
3 - топ: Сәкен қарындастарына қандай қамқорлық жасады?
4 - топ: Анасы Сәкенді не үшін мақтан етеді?
5 - топ: Сәкеннен қандай үлгі алдың?
3. Слайд: Бауырсақты суыту . Ой тұжырымдау :
1 - топ: Венн диаграммасы. Дауысты және дауыссыз дыбыстарды салыстыр.
2 - топ: Балық қаңқасы . Әліпби туралы не білесіңдер?
3 - топ: Балық қаңқасы . Буын мен тасымалға тән белгілерді жаз
4 - топ: Топтастыру стратегиясы . Мәтінге тән белгілерді жаз.
ІІІ. Жаңа сабақ:
Қолдану және талдау:
14 мин
Слайд: Қоянның тапсырмасы .
1. Жаңа сабақты хабарлау
2. Кіріспе әңгіме. Слайдта сурет бойынша әңгіме жүргізу:
- Туыс деген сөзді қалай түсінесіңдер?
- Суретте отбасында кімдер бар?
Мұғалімнің сөзі: Қазақтың салт - дәстүрінде жігіттің үш жұрты болады деп есептейді: өз жұрты, нағашы жұрты, қайын жұрты. Бір атадан тараған, әлі жеті атаға толмаған өз туыстары - өз жұрты деп аталады.
3. Оқулықпен жұмыс. Өлеңмен жұмыс: Жеті ата
1) Өлең авторы – Ермек Өтетілеуұлы (1938 - 2006) Ақмола (қазіргі Астана) қаласында туған. Балаларға арнап өлеңдер жазған. Ол - ақын, жазушы, аудармашы.
- Ақынның қандай өлеңдерін оқыдық?
- Қазақ әліпбиі , Нағашы жұрт өлеңдерін жатқа айт.
2) Өлеңді мәнерлеп оқып беру.
3) Өлеңді 1 шумақтан бірнеше оқушыға тізбектеп оқыту
4. Слайд: Аюдың тапсырмасы .
1) Оқу тобы: Өлең бойынша кестені толтыру:
• Өз жұртың
• Жеті ата
2) Жазу : Ата - ана қандай болады? топтастыру.
3) Өнер тобы: Ата - анаңды табиғаттағы нелерге теңер едің? Суретін салу
4) Зерттеушілер : Туысқандар қандай қарым - қатынаста болады?
5. Жеті ата туралы нақыл сөздің мағынасын түсіндіру: Жеті атасын білмеген жетесіз , Жеті атасын білген ер, жеті жұрттың қамын жер
Слайд: Қасқырдың тапсырмасы . Ой қозғау .
1. Орны ауыстырылып берілген сөздерден сөйлем құрау:
- Көмектесемін, анама, мен.
- Бізге, айтады, атам, ақылын.
2. Слайд:
1) Сөйлемге тән белгілерді атау, артық ережені табу.
2) Сызба бойынша сөйлем соңында қойылатын тыныс белгілерімен таныстыру.
Слайд: Түлкінің тапсырмасы .
Дәптермен жұмыс. 142 - жаттығу. Адасқан сөйлемдерді тыныс белгісіне қарай өз үйшігіне орналастырып, көшіріп жазу.
ІV. Сабақты қорыту: Жинақтау:
4 мин 1. Ой толғаныс стратегиясы:
1 - топ: Әжең, анаң сені қалай еркелетеді?
2 - топ: Ата – аналарың сендерге қандай ақыл айтады?
3 - топ: Ата - анаңнан қандай өнер үйреніп жүрсің?
4 - топ: Ата - анаңа, туысқандарыңа қандай тілек айтқың келеді?
2. Сөйлем туралы не білдік?
V. Бағалау:
1 мин 1. Формативті бағалау
2. Бүгін алған білімдеріңді өмірде қалай қолданасыңдар?
VІ. Рефлексия 0, 5 мин
1. Бүгінгі сабақтан не үйрендіңдер?
2. Бүгінгі сабақ ұнады ма?
3. Қай тапсырма қиын болды?
VІІ. Үйге 0, 5 мин
Өлеңді мәнерлеп оқу, жеті атасын біліп келу. 141 - жаттығу.