Сарқылмайтын жылылық, ана аты - ұлылық!
Оркестр.
1 - жүргізуші:
Көктем келді! Нұр шуаққа бөледі
Әрбір жанды қуанышқа теңеді.
Міне, бүгін құлын болып құйғытып,
Көк аспанға құс боп ұшқын келеді.
2 - жүргізуші:
Көктем - думан! Бар қызыққа бөледі,
Айдын көлде жүзсе және демеді.
Нұр көктемді дария – суға теңесең
Сәукелелі құрақ болғың келеді.
1 - жүргізуші:
Неткен жылы, неткен ғажап ел еді
Құшағыңа қуаныш боп енеді.
Нұр сәулелі әркез көктем шуағын
Мейірлене аймалағың келеді.
2 - жүргізуші:
Ақ жаулықты аналар!
Мейірімі мол, білім мен тәрбиенің қайнар бұлағы – аяулы ұстаз апайлар! Қыр гүліндей құлпырған ару қыздар, қызғалдақтай жайнаған құрбы - қыздар, қарындастар!
Сіздерді Көктемнің мейірімді де әсем салтанатты да сезімге толы 8 - наурыз аналар мерекесімен шын жүректен құттықтаймыз!
1 - жүргізуші:
Ана – әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы.
2 - жүргізуші:
Ана – жүрек. Ана – тірек, тіректі құрметте. Ана – шыңың, шыңына сағынып жет. Ана – күнің, күніңе табынып өт.
Иә, шынында да Ана – құдірет Бар игі жақсының бастауы – Ғазиз Ана, Асыл да ардақты Аналар!
1 - жүргізуші:
Ана маған Күн сыйлап, ғұмыр берген,
Қасиетті Анамның тілін берген
Шарласаң да шар дала күн - түн мейлі
Артық жанды таппадым Жұмыр жерден.
Табыстырған мені Ана жан әкеммен
Мейірімін сондықтан дар көрем
Маған ыстық жандардың бәрін - бәрін
Барлығын да өмірге Ана әкелген.
Ән: Асыл ана орындайтын: Тынымбай Айбану
2 - жүргізуші:
Тағдырыңа талайдың алаңдайсың
Сәуле болып әлемге таралғайсың
Білім нәрін аямаған асыл ұстаз
Сен менің ең аяулы – анамдайсың.
Сырлассам сәл, қаламын көңіл жасып,
Нәр білімін жүрем мен етіп азық
Аяулы Ұстаз – сан сүрлеу соқпақ жолда
Жөн сілтер – Темірқазық.
1 - жүргізуші:
Ұстаз мерейі – ең алдымен шәкірт жетістігімен өлшенеді. Бойдағы бар күш жігерін аямай, зерделі де зейінді шәкірт тәрбиелеу үшін бар білімі мен ілімін аямаған, аяулы ұстаздар сіздерге айтар алғысымыз шексіз. Біз сіздерге мәңгі борыштармыз.
Бүгінгі асыл тілектер мен жан жүрегіңді жылытар жақсы лебіздер тек сіздерге арналады. Мерекелік құттықтау сөз мектебіміздің басшысы Исаев Қорғанбек Рамазанұлына беріледі.
Ақтөбе облысы, Шалқар қаласы
№ 1 орта мектеп тәлімгері
Мунайтбасова Жулдыз Темирхановна