Селдетіп өткен тасқындай
Серпіліп біраз асасың,
Сергітіп кеткен мас қылмай,
Сейілді күндер жасасын!
Айналаң толы дос - жаран,
Айқара құшақ ашасың,
Жауының сөзін қоштаған
Жауыңның өзі жасасын!
Арынға салма ауыздық,
От болсын, мейлі шоқ болсын.
Дүниедегі жауыздық
Көмейден өтіп, жоқ болсын!
Тамаша әзіл не түрлі,
Тартылсын ылғи табақтар.
Шөлмектегі арақ секілді
Жойылсын қырғи қабақтар!
Селдетіп өткен тасқындай
Серпіліп біраз тасасың.
Сергітіп кеткен мас қылмай,
Сейілді күндер жасасын!
Маңғыстау облысы, Бейнеу ауданы,
Боранқұл селосы, Опорный орта мектебінің
3 сынып оқушысы Дарханқызы Айерке