Тайыр Жароков (1908 - 1965)
Нарын түні
Сары иық Нарын құмының
Күзгі түні тартты ызғар,
Жарығы ай нұрының
Жерден ине тапқызар.
Киігі желдеп түнде өрген,
Құмы жалпақ осы алап,
Қояны шошып жүгірген,
Жұлдызша ағып қосаяқ.
Одан басқа дыбыстап
Жел сәл үрген жапырақ,
Зіл ұйқыда тыныстап
Жатты Нартау топырақ.
Жұлдыз оты төгіле
Құм бойына тез тарап,
Жүзді түнгі көгінде
Ай - дөңгелек жез табақ.
Маңғыстау облысы, Бейнеу ауданы,
Боранқұл селосы, Опорный орта мектебінің
3 а сынып оқушысы Бисенбаева Жаннұр