Қасым Аманжолов өлеңі
Денсаулық жыры
Аяулы, адал ақ ниет
Менде де біраз бар шығар.
Адамға біткен қасиет
Сыздаса балтыр – хал сұрар.
Арыммен жаздым бұл хатты,
Жанымдай жазған жетпекші.
Сізге бір келген сырқатты
Үлесіп алып кетсекші.
Дәрігер емен, ақынмын,
Қолымнан келер жыр ғана.
Осы бір жазған хатымның
Соңында тілек бір ғана:
Қадірлі біздің досымыз,
Біздерден аулақ сырқаулық.
Қайратқа қайрат қосыңыз,
Жасасын біздің денсаулық!
1948ж.
Қасым Аманжоловтың өлеңдерін қарау