Сабақтың мақсаты: XVIII - XIX ғасырдағы Қазақстанда әскери бекіністер ретінде пайда болған қалалар және олардың шығу тарихын білетін болады.
Сабақтың міндеті:
мазмұнына байланысты: Солтүстік - Батыс Қазақстан қалаларының даму ерекшеліктерін, XVIII - XIX ғасырда Қазақстанда әскери бекіністер ретінде пайда болған қалалар, шаруалардың Қазақстанға қоныс аудару барысында пайда болған қалаларды білетін болады.
СТО - ны дамытуға байланысты: XVIII - XIX ғасырларда әскери бекініс - қамалдар мен әскери елді мекендер негізінде пайда болған қалалардың тарихын саралай отырып, қазіргі кезеңмен байланыстыра алады.
Топтық жұмысқа байланысты: Оқушылар бірін - бірі оқытуда, пікір алмасып өз ойларын ортаға салып, мәтіндегі проблемалық сұрақтарға жауап бере алатын болады.
Бағалау: Топтық, ұжымдық, жазба жұмыстарын бағалау.
Күтілетін нәтиже: XVIII - XIX ғасырлардағы әскери бекініс - қамалдар негізінде пайда болған Қазақстан аумағындағы қалалардың тарихын толық білетін болады.
Сабақтың түрі: Дәстүрлі сабақ
Сабақтың типі: Аралас сабақ
Сабақтың әдісі: аквариум , екі жақты түсіндірме күнделік , дөңгелек стол
Сабақтың көрнекілігі: карта, көне қалалардың суреттері, бейне таспа
Пәнаралық байланыс: география, әдебиет
Сабақ барысы:
I. Ұйымдастыру кезеңі;
А) Оқушыларды топқа бөлу
Ә) Оқушылар назарын сабаққа аудару
II. Үй тапсырмасы бойынша оқушылар білімін тексеру;
аквариум
Тақтаға 4 - оқушы шығып, үй тапсырмасы бойынша түсінік айтады. Кез келген жерден тоқтатып, келесі оқушы жалғастырып кетеді.
III. Үй тапсырмасын бекіту;
екі жақты түсіндірме күнделік
Кітаби сөз, терминдер Оқушы түсінігі, ой қорытындылау
1. Қырман
2. Сырғауыл
3. Байырғы
4. Жатақтар
5. Жер көріп қайтушылар
6. Мещеряктар
IV. Жаңа сабақты меңгерту;
Қызығушылықты ояту
Қазір біз Қазақстанның XVIII - XIX ғасырлардағы әскери бекініс - қамалдар мен әскери елді мекендер негізінде пайда бола бастаған ірі қалаларына тоқталатын боламыз. Тақырыпты өтпестен бұрын Қазақстанның ірі қалаларының қатарына қандай қалалар кіреді және қала дегенде біздің көз алдымызға нелер елестейді?
Мағынаны тану;
Картамен жұмыс
1. XVIII - XIX ғасырлардағы Қазақстан аумағындағы пайда болған қалаларды таныстыру.
2. Бейне таспа арқылы Солтүстік Батыс, Оңтүстік Шығыс қалаларының даму ерекшеліктерін салыстыру.
V. Жаңа сабақты пысықтау; Ой толғаныс;
Дөңгелек стол
Топқа ортаға бір қағаз беріліп, бүгінгі сабақтан нені түсінгендерін әр бір оқушы өз пікірін, бір сөзбен сағат тілімен қағазға түсіреді. Соңында бір оқушы оқып береді.
Сәйкестендіру тесті
1. Ақтөбе 1824
2. Қостанай 1720
3. Көкшетау 1869
4. Семей 1718
5. Өскемен 1879
VI. Оқушыларды рейтинг түрде бағалау
VII. Үйге тапсырма: Қызылорда қаласының шығу тарихы және ел аузында қалған тумалары жайлы зерттеу.