Қазақ тілі
4 класс
Сабақтың тақырыбы: Мекен үстеулері
Мақсаты:
а) Білімділік: Оқушылардың рухани-психологиялық ахуалын ескере отырып, үстеу туралы білімдерін кеңейту, мекен үстеулері туралы түсінік беру;
ә) Дамытушылық: Дамыта оқытудың тиімді әдіс-тәсілдерін пайдалана отырып, оқушылардың шығармашылық, танымдық қабілетін дамыту, тіл байлығын жетілдіру;
б) Тәрбиелік мәні: Оқушылардың табиғатқа деген сүйіспеншілігін арттырып, құстарды, гүлдерді қорғай білуге тәрбиелеу. Өз ойын еркін жеткізе білуге баулу.
Сабақ типі: аралас сабақ
Сабақ түрі: дәстүрден тыс
Сабақ формасы: жеке, жұптық, топтық, ұжымдық
Көрнекілік: интерактивті тақта, слайдтар, тапсырмалар, бейнелі сурет, тест жұмысы
Сабақта қолданылатын педагогикалық технология: Дамыта оқыту технологиясы, СТО элементтері, ойын технологиясы
Әдіс-тәсіл: репродуктивтік әдіс, сөз жүзіндегі әдістер, көрнекілік әдісі, іс тәжірибелік әдіс, ойын әдіс
Пәнаралық байланыс: қазақ тілі, дүниетену
Сабақ барысы:
І. Ұйымдастыру кезеңі. Оқушы зейінін сабаққа аудару.
Ол не?
Жұмбақ шешуін тап.
Күндіз бар,
Түнде жоқ.
(Күн)
Сәлем достар!
Көзімді таңмен ашамын,
Әлемге нұр шашамын,
Мен алтын күннің сәулесімін. Сендер мені көргендеріне қуаныштысыңдар ма? Енді бір-бірімізге күлкі сыйлайық.
(Балалар бір біріне қарап жымияды)
Ойын: Түс таңда.
Мақсаты: Оқушыларды түс таңдау арқылы топқа бөліп, орналастыру.
І топ ІІ топ ІІІ топ IV топ
Қызыл Сары Жасыл Көк
Таңдаған түстің сырын білесің бе?
Қызыл түс – ұшқыр ойлы, алғыр, барлық жағдайда ойланып шешетін адамдар.
Сары түс – арманшыл, болашаққа ұмтылғыш, өткенді көп еске алатын адамдар.
Жасыл түс – ынталы, барлық жағдайда өзін жақсы жағынан көрсететін адамдар.
Көк түс – зейінді, сыпайы, барлық нәрсені ойланып, ақылмен, шыдамдылықпен шешетін адамдар.
Қызығушылық ояту.
Артық сөзді тап.
Алдында, артында, жанында, жоғарыда, төменде, маңында, қасында, мектепте.
- Балалар, бүгінгі күнде үстеу туралы білімімізді толықтырамыз.
Мекен үстеулері.
Қайда сұрағына жауап беретін үстеулерді мекен үстеулері дейді. жоғары көтерілді, ілгері жүрді.
Ендеше балалар: Қуанамын мен де,
Қуанасын сен де,
Қуанамыз біз де
Арайлап атқан күнге!