Ас бөлмесіндегі гүлдер де барлық гүлдер секілді ерекше күтімді қажет етеді. Сонымен қатар, ас бөлмесінде гүлде орналастыруда да, бірнеше ережелер бар: гүлдер ыдыс-аяқ жуатын жерден алыс тұруға тиіс. Ыдыс - жуғыш құралдың көпіршігі тиіп кетсе гүлге әбден зиян келеді, тіпті жас отырғызылған көшет болса, солып қалуы мүмкін.
Гүл отырғызылған құмыраларды айына бір рет аздап сабындап сүртіп, артынан таза сумен шайыңыз.
Гүлге су бүркіп тұруды ұмытпаңыз, сонымен қоса жарықтың мол түсуіне де көңіл аударыңыз.
Қыстың күні терезе алды суық болмауы керек, гүл құмыраларының астынан соққан суық ауа гүлдің тамырына зиян келтірмес үшін арнайы ағаштан жасалған тор төсеп қойған дұрыс.
Егер терезенің гүл қоятын тақтайы (подоконник) қыста жылытқыш батарейге жақын тұрып гүлдің астынан үнемі ыстық ұрып тұрса да зиянды. Мұндай жағдайда гүл құмыраларының астына ыстық өткізбейтін пенопласт төсеме қойған дұрыс.
Ерекше хош иісті гүлдер ас бөлмесінде тұруға тиіс емес, өйткені ас бөлмесінде ас дайындалады және онда тамақтанатын болғандықтан, гүл иісі адамның тәбетін қайтарып жіберу әсері бар. Сонымен гүлдің күшті, хош иісі тамақтың да дәмін өзгертіп жіберуі мүмкін.
Ас бөлмесінде өсіретін гүлдердің бірнеше түрлері төмендегідей, Өзіңізге ұнаған, ас бөлмесінің сәнін келтіреді деген гүлді өсіруіңізге болады.
Хлорофитум
Бегония
Гиацинт
Фиалка
Герань
Орхидея
Шефлера
Сәндік үшін өсірілетін майда бұрыш
Фикус
Кливия
Толық нұсқасын жүктеу
Авторы: Жадыра
Гүл туралы сіз қандай қызықты мәлімет білесіз бөлісе отырыңыз?! Пікір қалдыру жолына жазба қалдыруға болады.