Сабақтың тақырыбы: Ғ. Мүсіреповтің Қазақ солдаты романындағы Қайрош бейнесі
Сабақтың мақсаттары:
а) білімділік мақсаты: романдағы кейіпкерлер жүйесін талдау арқылы Қайрош бейнесін ашу және шығарманың идеялық - көркемдік мәнін аша түсу. Әдебиет теориясына қатысты көркемдегіш сөздерді көре білуге,
сезе білуге баулу.
ә) оқушыны кейіпкерлердің адамгершілік қасиеттеріне үңілдіріп, Отанға деген сүйіспеншілігін, досқа, жарға деген адал сезімдерін аңғарту барысында рухани қазынасын байыту. Имандылыққа, патриоттыққа тәрбиелеу.
б) баланың ойлау қабілетін дамыта түсу мақсатында оқу бағдарламасында берілген талаптарды жүзеге асыру, көркем мәтінмен жұмыс жасай білуге баулу
Сабақтың түрі: әңгіме сабақ, аралас сабақ
Әдісі: зерттеу, талдау
Тәсілі: сұрақ – жауап, әңгімелеу, іздену
Сабақтың жабдықтары: прототип суреті. романның алғашқы бетінің мұқабасы, автордың портреті, кестелер, әдебиет теориясына
байланысты таблицалар(слайд түрінде)
Сабақтың барысы: Ұйымдастыру(3 минут)
Үй жұмысы жаңа сабақты өткізу барысында бірге талданып, сұралады.
Жаңа сабақ: бүгінгі сабағымызда романның басты кейіпкеріне роман мазмұнына сүйене отыра талдау жасаймыз.
Тақтадағы слайдқа көңіл бөлу.
2 - слайд: Ой қозғау.
Жазушының шығармашылық ізденісі мен талаптану әрекетінің алғашқы жемісі –? ( Тулаған толқында. )
1 - слайд: Ғ. Мүсіреповтің Қазақ солдаты романы жазылған кітап
мұқабасы көрсетіледі.( Солдат из Казахстана деген кітаптың.) Ең алғашқыда роман орысша жазылып, орыс тілінде жарық көргені
туралы да айта кетілуі керек.
3 - слайд арқылы романның қай жанрға жататынына - тоқталамыз. Жанр деген терминнің қай тілден екендігі туралы сұралады.
(төмендегі сызбаны мұғалімге дайын күйінде беріп отырмын, алайда сабақ беріп тұрған уақытта мұғалім бағыттау арқылы оқушыға өзі толтырып жазғызу керек, себебі 11 - сынып оқушылары әдебиет теориясынан
хабардар екенін ескеру қажет)
Жазушының шығармашылығын жанрлық ерекшеліктеріне қарай қалай бөлінетіні сұралып кетуі керек. Қай жанрды қамтығаны жайында сөз болу қажет. Сұрақ белгілерінің астына сол бағытта жазылған шығармаларды тіркеу арқылы қаламгердің қай жанрда жұмыс жасағанын дәлелдеуіміз қажет.