Сценарий:
Педагогикалық ұжымға арналған сайыс. Ата - баба дәстүрі елдігіміздің белгісі .
Атырау қалалық № 8 Ақбота шипа - жай типті балабақшасында балабақша әкімшілігі мен кәсіподақ ұйымының ұйымдастыруымен ұлыстың Ұлы күні наурыз мейрамына арналған Ата - баба дәстүрі елдігіміздің белгісі атты педагогикалық ұжымға арналған мерекелік сайыс кең көлемді түрде барлық балабақша қызметкерлерінің қатысуымен өтті.
Мақсаты: Халық педагогикасын насихаттай отырып, салт - дәстүрлерді жаңғырту, үйрену, жастарға ұлттық тәрбие беру. Педагогтардың
шығармашылығын, кәсіби шеберліктерін жетілдіру. Педагогикалық ұжымда жағымды климат қалыптастыру.
Ашық шара мазмұны:
Жүргізуші: (Қонаева Гүлбану).
Көктемнің көркі гүл емес пе?
Гүлсіз табиғат тұл емес пе?
Көктемнің әнін жырлаған,
Наурыздың тойын тойлаған
Ақбота балабақшасы біз емес пе?
Құтты болсын, наурыз тойың, мерекең!
Үйіңде болсын тек қана құт – берекең
Ұйымдасқан, үлгілі ұжым болайық,
Дегендей терезесі тең екен.
- Құрметті қонақтар, Наурыз тойларыңыз құтты болсын! Үйлеріңізде мереке болсын, ұжымдарыңызда құт, береке болсын, Бірлік түбі - тірлік, Береке басы басшыдан , дегендей алғы сөзді балабақша директоры -------------------------
Кәсіподақ ұйымының төрайымы ---------------------------- береміз.
Жүргізуші: Ата - баба дәстүрі – елдігіміздің белгісі атты сайысымызды бастаймыз.
Дәстүрімізді жаңғыртып үйренейік,
Жаманнан біз жиренейік
Өсіп келер жас ұрпақты
Әдептен озбауға тәрбиелейік.
Сайысты бастамас бұрын әділқазылар алқасын сайлап алайық:
Әділқазылар мүшесі құрамына:
------------------------------------------
Сайыскерлер барлық топтан қатысады.
1 - топ
2 - топ
3 - топ
Сайыс 7 бөлімнен тұрады:
1. Ұлттық киімдер шеруі.
2. Өзін таныстыру.
3. Викториналық сұрақтар (Киіз үй құрылымынан, ұлттық бұйымдар, ою - өрнек туралы)
4. Ұлттық дәстүрден көрініс. (Түсіндірмесі, 5 - 6 мин)
5. Көркем - өнер сайысы. (Ән, би, сахналық қойылым.)
6. Қара жорға биі сайысы. Барлық сайыскерлер қатысады.
7. Ұлттық тағамдар көрмесі. (Үй тапсырмасы)
1 - бөлім. Әдемі көйлек киемін
Қос етегі бүрмелі
Кестелеген жиегінде
Кең даланың гүлдері,
Жарасады бөркіме
Үкілерім үлпілдеп
Ел қараған көркіме
Неткен әсем шіркін - деп!!!
Сайыскерлер ұлттық киімдер шеруін жасайды.