Сабақтың тақырыбы: Логарифмдік теңдеулер мен олардың жүйелері
Сабақтың мақсаты:
білімділік: Логарифмдік теңдеулер мен олардың жүйелерінде оқушылардың алған білімін пысықтау, қорытындылау және бекіту;
дамытушылық: Ойлау, логикалық ойлау, білім, білік дағдыларын дамыта отырып, интеллектуалдығын қалыптастыру;
тәрбиелік: Еңбекке, өзін - өзі басқаруға, халықтық педагогикаға тәрбиелеу
Сабақтың түрі: Дәстүрлі емес сабақ
Сабақтың типі: Қорытынды сабақ.
Сабақтың әдісі: Ұжымдық, деңгейлеп оқыту.
Сабақтың барысы: І. Ұйымдастыру кезеңі: Оқушылардың сабаққа дайындығын тексеру.
ІІ. Үй тапсырмасын сұрау: Оқушылардың дәптерлерін тексеру.
ІІІ. Жаңа сабақ: Сабақ сайыс түрінде өтеді. Сайыс мынадай кезеңдерден тұрады:
1. Бәйге кезеңі; 2. Полиглот кезеңі; 3. Жанды сұрақтар; 4. Ғажайып жетілік; 5. Мәре кезеңі.
Әділ қазылар алқасын сайлап, әр кезеңді 1, 2, 3, 4, 5 сандарымен бағалауы сұралады. Кім көп ұпай жинаса сол оқушы бүгінгі сабақтың жеңімпазы болады.
І кезең. Бәйге - бұл қазақтың ұлттық ойыны. Озып шығу аттың мықтылығына байланысты, ал мұнда оқушының білімділігіне байланысты. Олай болса есептердің шешімін тауып мықтылығымызды көрсетейік: