ШҚО, Аягөз қаласы,
№5 бөбекжай - балабақша тәрбиешісі
Таныбекова Роза Берікбайқызы
Ұйымдастырылған оқу іс - әрекеті
Білім беру саласы: Қатынас, Әлеуметтік орта.
Тарауы:Қоршаған ортамен таныстыру.
Тақырыбы: Армысың, қар ұшқыны!
Мақсаты: 1. Қыс мезгілі, қар, қыстағы адамдардың тіршілігі туралы түсініктерді қалыптастыру.
2. Қыс мезгілінде болатын құбылыстар туралы ақыл - ойын, есте сақтау қабілетін дамыту.
3. Әр жыл мезгілінің ерекшеліктерін түсіндіру арқылы табиғатқа деген сүйіспеншілікке тәрбиелеу.
Көрнекіліктер:Қыс туралы бейнетаспа (слайд), қыс туралы сүреттер.
Әдіс - тәсіл:Түсіндіру, көрсету, әңгімелеу, сұрақ - жауап, ойын.
I. Жылулық шеңбері:Бақшамызға барғанда
Жолыққан бар жандарға
Ертемен ақ пейілмен
Қайырлы таң - деймін мен.
II. Ұйымдастыру кезеңі: Шанамен зырғып әкелетін
Шаңғы, коньки тебетін
Аққала жасап ойнайтын
Қай мезгіл деп ойлайсың?
III. Сабақтың барысы:
- Қыс
- Балалар, бұл өлең шумағында не туралы айтылған?
- Қыс мезгілі несімен қызықты?
- Қандай ойындар ойнаймыз?
IV. Таңғажайып сәт: Қар ұшқыны қонаққа келеді.
- Қайырлы таң! Қыстың суық күнінде сендерді көргеніме қуаныштымын. Мен Қар ұшқынымын. Кәне, бәріміз қосылып Аппақ – аппақ, жапалақтап әнін шырқап жіберейік.
- Бұл әнде қай жыл мезгілі туралы айтылған?
- Қай жыл мезгілінде қар жауады?
V. Слайдты көрсетіп тұрып, қыс мезгілі және осы мезгілде болатын құбылыстар туралы әңгімелейді.
Жапалақтап ақша қар
Жауды күнде қайталап
Қырға шықты балалар
Шаңғыларын арқалап
VI. Сергіту сәті: Боран соқты оң жақтан
Боран соқты сол жақтан
Қар лақтырып ойнасақ
Су өтеді қолғаптан.
VII. – Қане, балалар, қыс туралы қандай тақпақ білесіңдер?
1. Баян: Бір топ бала сырғанап
Барады әне жарысып
Қалды артта қыр алап
Іздерінен қар ұшып.
2. Інжу Д.: Ауыл алды ақша қар
Ақша қарда балалар
Соғып жатыр аққала
Жалқауы жоқ жұмысқа
Кіп-кішкене боп қана.
3. Мерей: Қонақтайды бақтарға
Ақ көбелек ақ мамық
Аунап таза ақ қарға
Балалар жүр мақтанып.
VIII. Дидактикалық ойын: Қысқы киімдерді ата және киіндір .
IX. Ұжымдық жумыс: Қар ұшқыны (мақтамен қар жапсыру).
X. Қорытынды.