Практикант: Орынбай Гүлдана
Математика 3 сынып
Сабақтың тақырыбы: 249+376, 625 - 376 Қосу және азайту
Сабақтың мақсаты: 1. Білімділік. Оқушылардың өздеріне тұжырымдар жасатып, өз ойларын дәлелдеуге төселдіру, танымдық қасиеттерін дамытуға мүмкіншілік жасау. Көп таңбалы сандарды қосудың тәсілдерін меңгерте отырып, тез ойлауға үйрету;
2. Дамытушылық. 1) Оқушылардың логикалық ойы мен математикалық тілін дамыту;
2) Ертегі арқылы қызығушылығын арттырып, өмір жағдайлардағы мәселелерді шешу арқылы математикалық және шығармашылық қабілеттерін анықтау және дамыту;
3. Тәрбиелік. 1) Оқушыларды тиянақтылыққа, сауаттылыққа, ұстамдылыққа, жылдам ойлауға, мәдениетті, әдемі сөйлеуге үйрету;
2) Баланың тұлғалық қасиеттерін, яғни жауапкершілік, белсенділік, мақсатқа талпынушылық, нақтылық тәрізді қасиеттерін тәрбиелеу;
Сабақтың типі: дәстүрлі
Сабақтың түрі: аралас сабақ, ертегі сабақ
Сабақтың әдіс - тәсілі: әңгімелеу, СТО стратегиялары, талдау - жинақтау, топтық әдіс
Пәнаралық байланыс: әдебиеттік оқу, математика
Сабақтың көрнекілігі: сызба плакаттар: бағалау парақшасы, тақырыптық презентация
Қажетті құрал - жабдықтар: оқулық, дәптер, интерактивті тақта,
Сабақ барысы
I. Ұйымдастыру кезеңі
а) Оқушылармен амандасу
ә) Ән ұран орындату
б) Сыныпты 3 топқа бөлу
Топқа бөлу: Геометриялық фигуралар арқылы бөлу. (оқушыларды тақтаға шығарып, арнайы карточкада салынған фигураларды таңдату)
1 - топ (үшбұрыш - қызыл)
2 - топ (шеңбер - көк)
3 - топ (төртбұрыш - жасыл). Топ ережесін еске түсіру, қосымша қажетті жағдайлармен толықтыру.
в) сабаққа даярлық
II. Үй тапсырмасын тексеру
үйге берген тапсырманы бір - біріне алмастыру арқылы тексерту, дұрыс жауабын оқыту, салыстыру.
III. Мақсат қою кезеңі
Бүгінгі сабақтың мақсатын хабарлау
- Бүгін біз сабағымызды ертегі сабақ деп алдық, яғни сабағымызды Жеті лақ пен қасқыр ертегісі бойынша өтеміз. Жалпы ертегінің мазмұнын білеміз.
(слайд - 1 ашылады) Біз білеміз, қасқыр ешкінің 6 лағын ұрлап кеткенін, енді сол ешкі бізден көмек сұрамақ.
– Ендеше балалар, ешкінің өтінішін орындаймыз ба?
– Бізге қасқыр лақтарды беру үшін әр лақ 1 - тапсырмадан тұрады екен, егер біз 1 - тапсырма орындасақ, бізге бір лақтан беріп отырады, яғни бізге 6 - тапсыома беріледі.
– Олай болса сол тапсырмаларды орындауға дайынбыз ба?
– Тағы да айта кететін жағдай, тапсырма әр топқа жеке беріледі, және сол тапсырмаларды орындау деңгейлеріңізді (+,- ) белгілеп отырамын.